საზოგადოება
თბილისის მერია განაშენიანების გენგეგმის შემუშავებამდე ქაოტური მშენებლობების შეჩერებას აპირებს
თბილისის მერის, კახა კალაძის თქმით, მერია ქაოტური მშენებლობების შეჩერებას გეგმავს განაშენიანების გენგეგმის შემუშავებამდე.
მან აღნიშნა, რომ ლისის ტბის ტერიტორიის განვითარების პროექტის შემუშავებას რამდენიმე თვე დასჭირდება.
„რამდენიმე თვე დასჭირდება, რომ ჩვენ ზუსტად მივაწოდოთ იმ ადამიანებს ინფორმაცია, ვისაც იქ ნაკვეთები აქვს, თუ როგორ უნდა განვითარდეს ეს კონკრეტული ადგილი. ზოგადად, ლისის ტბა თავისი რეკრეაციით უმნიშვნელოვანესია ქალაქისთვის და მისი სწორად განვითარება არის აუცილებელი იმისთვის, რომ არ მივიღოთ ქაოტური განაშენიანება. ჩვენ მესაკუთრეებს შევთავაზებთ გეგმას, თუ როგორ უნდა განვავითაროთ ეს ტერიტორია. დღეის მდგომარეობით იქ არ არსებობს გზები, ინფრასტრუქტურა,
წყალი, კანალიზაცია და ა.შ. ეს ყველაფერი არის მოსაწესრიგებელი და სწორად განსავითარებელი“, - თქვა კალაძემ.