პოლიტიკა

თბილისის მერიაში პეკინის გამზირზე მიწისქვეშა პარკინგის მოწყობის იდეას განიხილავენ - დავით ნარმანია

თბილისის მერის, დავით ნარმანიას ინფორმაციით, განიხილება პეკინის გამზირზე მიწისქვეშა პარკინგის მოწყობა. ამის შესახებ მან ჟურნალისტებს განუცხადა.

მან აღნიშნა, რომ პარკინგის მოწყობა პეკინის გამზირის რეაბილიტაციის ნაწილი არაა, არამედ ცალკე პროექტია.

„ჩვენ მიღებული გვაქვს წინადადება პეკინისა და მიცკევიჩის მიმართულებით არსებულ ტერიტორიაზე მიწისქვეშა პარკინგის მოწყობასთან დაკავშირებით. ეს წინადადება, როგორც ბიზნესწინადადება განხილვის სტადიაზეა და მივიღებთ აუცილებლად დადებით გადაწყვეტილებას. პარკინგი ამ ტერიტორიას დამატებით აუცილებლად სჭირდება. პეკინის რეაბილიტაცია არ მოიცავდა მიწისქვეშა პარკინგის გაკეთებას, ეს ცალკე დამოუკიდებელი პროექტია", - განაცხადა თბილისის მერმა.

ანა მებურიშვილი