უკან

უახლესი ამბები

დღის კალენდარი

ანონსები

არქივი

პოლიტიკა

25 აპრილი, 2017 14:20
font-size

თბილისის მთავრობაში 4 მილიონერია - კვლევა

კვლევაში, რომელსაც პლატფორმა ,,ახალი საქართველო’’ და მონიტორინგის ცენტრი ,,მედიატორი’’ მარტის თვიდან ატარებდა, საუბარია მერიაში და ასევე, მერიის დაქვემდებარებაში არსებულ სამსახურებში დასაქმებულ თანამდებობის პირთა დეკლარაციებზე.

აღნიშნული დეკლარაციების სანდოობაში კვლევის ავტორებს ეჭვი შეაქვთ და აცხადებენ, რომ დედაქალაქის მთავრობაში 4 მილიონერია.

კვლევის თანახმად, 4 მილიონერს შორისაა მერიის კულტურის საქალაქო სამსახურის უფროსი, ია მაქაცარია.

ორგანიზაციაში ,,მედიატორი’’ აცხადებენ, რომ მაგალითად ნაძალადევის რაიონის გამგებელს, ირაკლი ხელაძეს დეკლარაციაში მხოლოდ 500-ლარიანი ქონება უფიქსირდება.

კვლევის ავტორთა ეჭვს იწვევს, მერიის სოციალური სამსახურის უფროსის, გელა ჩივიაშვილის დეკლარაცია, რომლის მიხედვითაც, მას მხოლოდ ავტომობილი გააჩნია.

,,29 შესწავლილი დეკლარაციიდან აღმოჩნდა, რომ 4 მილიონერია. პირველ ადგილს იკავებს ია მაქაცარია.

რაც შეეხება დეკლარაციებს, ჩვენ გვაქვს საფუძვლიანი ეჭვი, რომ არ არის ის სათანადოდ შევსებული. შემიძლია ერთი მაგალითის მოყვანა, როდესაც გელა ჩივიაშვილს არ აქვს არანაირი უძრავი ქონება. არ აქვს თუნდაც ქირის ხელშეკრულება შეტანილი დეკლარაციაში. ამ დეკლარაციის მიხედვით, ირკვევა, რომ ის ცხოვრობს ერთ ავტომობილში. ანუ ამის გარდა მას არაფერი გააჩნია. რა თქმა უნდა, ეს საფუძვლიან ეჭვს ბადებს იმისა, რომ დეკლარაციები არის არასაფუძვლიანად შევსებული და რა თქმა უნდა, საჭიროებს გადახედვას’’, - განაცხადა ,,მედიატორის’’ წარმომადგენელმა, ნინო ყურაშვილმა.

თავის მხრივ ,,ახალი საქართველოს’’ წევრი, ლევან ხაბეიშვილი მერიაში დასაქმებული ყოფილი ხელისუფლების წარმომადგენლებზეც საუბრობს.

,,ნაძალადევის რაიონის გამგებლის დეკლარაციაში თუ ჩაიხედებით, ნახავთ, რომ მას 500 ლარზე მეტი ქონება არ გააჩნია. მის ბალანსზე არ ირიცხება არც სახლი, არც არაფერი, ამაში უცნაური არაფერი არ არის, მაგრამ დეკლარაციაში მაშინ შეტანილი უნდა იყოს ქირავნობის ხელშეკრულება. ანუ, სადღაც ხომ უნდა ცხოვრობდეს.

ჩვენ არამხოლოდ ქონებრივი დეკლარაციები, არამედ მათი საქმიანობები შევისწავლეთ წარსულში და აღმოჩნდა, რომ დედაქალაქის მთავრობის 35% არის შევარდნაძის დროინდელი ჩინოვნიკები, რომელიც თავის დროზე იკავებდნენ მაღალ თანამდებობებს შევარდნაძის ხელისუფლების პირობებში.

ასევე, ,,ქართული ოცნების’’ დეპუტატები, მათ შორის მერი, ხშირად არგუმენტად მოიხსენიებს ხოლმე ყოფილ ,,ნაციონალობას’’. ისინი ასე ცდილობენ გარკვეულ კითხვებზე თავის არიდებას’’, - განაცხადა ლევან ხაბეიშვილმა.

კვლევის მეორე, დეტალურ ნაწილს მისი ავტორები რამდენიმე კვირაში გამოაქვეყნებენ. ისინი გეგმავენ, რომ დარღვევების შესახებ აუდიტის სამსახურს მიმართონ.

ნინო ექვთიმიშვილი

ნულოვანი თამაში საქართველოში დასრულებულია და მხოლოდ ერთადერთი გზა დაგვრჩა: შეთანხმების, თანხმობის და წინსვლის - პრეზიდენტი

9 აპრილი, 2021 , 15:11

საქართველოს პრეზიდენტი, სალომე ზურაბიშვილი ევროკავშირის მედიაციით საქართველოში გამართულ მოლაპარაკებების ორ რაუნდს გამოეხმაურა და თქვა, რომ დათმობაზე ორივე მხარე უნდა წასულიყო, თუმცა კომპრომისის გამბედაობა არც ხელისუფლება

ჩვენ ვდგამთ ნაბიჯებს, რათა შეთანხმება მოხდეს - არჩილ თალაკვაძე

9 აპრილი, 2021 , 14:15

ჩვენ როგორც ხელისუფლება მაქსიმალურად კონსტრუქციულად ვმუშაობთ და ვდგამთ ნაბიჯებს იმისთვის, რომ შეთანხმება მოხდეს - სწორედ ამის შედეგია განცხადებები, რასაც ბოლო ორი დღის განმავლობაში ოპოზიციის ჯანსაღი ნაწილისგან ვისმენთ, -

სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვებდით პარლამენტის თავმჯდომარის სავარძელში - სალომე ზურაბიშვილი

9 აპრილი, 2021 , 14:15

მეტი სიფრთხილით მივუდგეთ ყველა შესაძლო მანიპულირებას, რომლის ინიციატივაც შეიძლება, ქვეყნის გარედანაც მოდიოდეს. სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვ

მომავალ კვირას დაიდება ახალი შინაარსის დოკუმენტი - გიორგი ვაშაძე

8 აპრილი, 2021 , 20:15

შემიძლია გითხრათ, რომ მომავალ კვირას 5-ვე საკითხთან დაკავშირებით დაიდება ახალი შინაარსის დოკუმენტი - განცხადებას ამის შესახებ "სტრატეგია აღმაშენებლის" ლიდერი გიორგი ვაშაძე აკთებს და ამბობს, რომ "შეთანხმება აუცილებლად იქნ

ირაკლი ღარიბაშვილი - ყველაფერი უნდა გავაკეთოთ, რათა არ დავუშვათ მესამე ტალღა და თავი ავარიდოთ მკაცრ შეზღუდვებს

8 აპრილი, 2021 , 17:00

პირველ რიგში მინდა, შევეხო ეპიდემიოლოგიურ მდგომარეობას, რომელიც, სამწუხაროდ, მძიმდება მთელ მსოფლიოში და მათ შორის ჩვენს ქვეყანაშიც; შემთხვევების მატება, რაც ბოლო დღეებში აშკარაა თითოეული ჩვენგანისგან მეტ ყურადღებას და მე

სალომე ზურაბიშვილი დეპუტატებს წლიურ ანგარიშს ხვალ წარუდგენს

8 აპრილი, 2021 , 16:30

საქართველოს პრეზიდენტ სალომე ზურაბიშვილს ხვალ პარლამენტში მოუსმენენ. სალომე ზურაბიშვილი დეპუტატებს გასული წლის ანგარიშს წარუდგენს. იქიდან გამომდინარე, რომ ხვალ პლენარული სხდომების კვირა არ არის, საჭირო იქნება რიგგარეშე ს