უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
საზოგადოება
თბილისის მუზეუმების გაერთიანება მასპინძლობს მეორე საერთაშორისო კონფერენციას - „სემიტოლოგიური ძიებანი“
თბილისის მუზეუმების გაერთიანება საქართველოს პარლამენტის ეროვნული ბიბლიოთეკის საკონფერენციო დარბაზში 15, 16 და 17 ოქტომბერს, მასპინძლობს მეორე საერთაშორისო კონფერენციას - „სემიტოლოგიური ძიებანი“.
თბილისის მუზეუმების გაერთიანების ინფორმაციით, კონფერენცია ეძღვნება მსოფლიო მნიშვნელობის სემიტოლოგის, ენათმეცნიერის, საქართველოში ებრაისტიკა-არამეისტიკის სწავლების ფუძემდებლის აკადემიკოს კოტე (კონსტანტინე) წერეთლის ხსოვნას.
კოტე (კონსტანტინე) წერეთელი (1921-2004 წწ.) საქართველოს მეცნიერებათა აკადემიის აღმოსავლეთმცოდნეობის ინსტიტუტის დაარსების დღიდან (1960წ.) ხელმძღვანელობდა ინსტიტუტის სემიტოლოგიის განყოფილებას. კოტე წერეთლის შრომებმა არამეულ დიალექტოლოგიაში ამ სამეცნიერო დარგის პრობლემათა ფართო კვლევას ჩაუყარა საფუძველი და მსოფლიო ორიენტალისტიკაში მის ინტენსიურ განვითარებას მისცა ბიძგი.
კონფერენცია პირველად 2017 წელს ჩატარდა. სწორედ მაშინ გაჟღერდა ფართო აუდიტორიის წინაშე, რომ სამეცნიერო მიმართულებების გაძლიერების მიზნით, თბილისის კოტე და სოსო წერეთლების მუზეუმი გეგმავდა ტრადიციის გაგრძელებას და მუზეუმის ბაზაზე კოტე წერეთლის სახელობის სამეცნიერო კვლევითი ცენტრის დაარსებას.
2018 წლის 5 თებერვალს კი თბილისის მუზეუმების გაერთიანებამ სწორედ ამ სამეცნიერო-კვლევითი ცენტრის დაარსება ამცნო საზოგადოებას. კოტე წერეთლის სამეცნიერო-კვლევითი ცენტრის მთავარი მიზანი ქართული სემიტოლოგიური სკოლის სამეცნიერო-კვლევითი საქმიანობის პოპულარიზაციის ხელშეწყობაა, როგორც ადგილობრივ დონეზე, ისე მსოფლიო მასშტაბით.
წლევანდელ კონფერენციაში მონაწილეობენ 5 ქვეყნის (საქართველო, ისრაელი, გერმანია, რუსეთი, ერაყი) ებრაისტიკა-არამეისტიკის დარგში მოღვაწე მეცნიერები.
კონფერენციაზე დასწრება თავისუფალია.