პოლიტიკა

თბილისის საკრებულოს ოპოზიციონერი დეპუტატი მერიაში მთავრობის სხდომაზე არ შეუშვეს

თბილისის საკრებულოს ფრაქცია „თავისუფალი მოძრაობა - თბილისის“ წევრი, თამაზ შოშიაშვილი დედაქალაქის მერიაში მთავრობის სხდომაზე არ შეუშვეს.

თბილისის მერიის შესასვლელში თამაზ შოშიაშვილი დაცვამ გააჩერა და მას განუმარტეს, რომ იგი მთავრობის სხდომაზე დასასწრებ პირთა სიაში არ იყო.

როგორც ჟურნალისტებთან საუბარში თამაზ შოშიაშვილმა განაცხადა, მთავრობის სხდომაზე თამაზ შოშიაშვილი აპირებდა დაეყენებინა საკითხი მოსამართლე ნატა ნაზღაიძის ოჯახისათვის მერიის მიერ გადაცემული 1 მილიონი ლარის ქონების უკან დაბრუნების შესახებ.

“ვგეგმავდი, დამეყენებინა საკითხი თბილისის მერიის მიერ 1 მილიონი ლარის ქონების მოსამართლე ნაზღაიძისთვის გადაცემის თაობაზე. დავით ნარმანია არსებული პრობლემების მიუხედავად, სასეირნოდ ბრძანდება ევროპაში და თბილისის მთავრობა, საკრებულოს დეპუტატები, დაცვის სამსახურით იცავს თავს. საკრებულოს დეპუტატებსაც არ უშვებენ მერიის შენობაში. ნახეთ რა მდგომარეობაში არიან დამალულები, დაცვა უყენიათ, რომ საკრებულოს წევრი არ შევიდეს. ემალებიან არა მხოლოდ საკუთარ მოსახლეობას, ემალებიან უკვე არჩეულ დეპუტატებსაც კი“, - განაცხადა თამაზ შოშიაშვილმა.

ნინო ექვთიმიშვილი