უკან

უახლესი ამბები

დღის კალენდარი

ანონსები

არქივი

საზოგადოება

19 მარტი, 2019 14:10
font-size

თბილისის საკრებულოსა და “ავერსი-ფარმა“-ს შორის ურთიერთთანამშრომლობის მემორანდუმი გაფორმდა

თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარის გიორგი ბირბიჩაძის ინიციატივით, საკრებულოსა და “ავერსი-ფარმა“-ს შორის ურთიერთთანამშრომლობის მემორანდუმი გაფორმდა. მემორანდუმს ხელი თბილისის საკრებულოს თავმჯდომარემ გიორგი ტყემალაძემ, ჯანმრთელობის დაცვის და სოციალურ საკითხთა კომისიის თავმჯდომარემ გიორგი ბირბიჩაძემ და ფარმაცევტული კომპანია შპს“ავერსი-ფარმა“-ს გენერალურმა დირექტორმა ირაკლი ფურცელაძემ მოაწერეს.

მემორანდუმის ფარგლებში, თბილისში რეგისტრირებულ იმ მოქალაქეებს, რომლებიც რაიონულ გამგეობებს მედიკამენტების შეძენისთვის დახმარების თხოვნით მიმართავენ, „ავერსი ფარმა“ წამლებს შეღავათიან, ფასდაკლების დღეებში არსებული ფასებით მისცემს.

თბილისის საკრებულოს თავმჯდომარემ გიორგი ტყემალაძემ კომპანია „ავერსს“ თანამშრომლობისა და მაღალი სოციალური პასუხისმგებლობის გამოჩენისთვის მადლობა გადაუხადა და განაცხადა, რომ დღეს გაფორმებული მემორანდუმის შედეგად, დედაქალაქის მცხოვრებლები მედიკამენტების შეძენისას მნიშვნელოვან შეღავათებს მიიღებენ.

„ვფიქრობ, რომ ეს ჩვენი მოქალაქეებისთვის ძალიან მნიშვნელოვანი შეღავათი იქნება. მინდა, მადლობა გადავუხადო კომპანია „ავერსს“ თანამშრომლობისთვის. დარწმუნებული ვარ, რომ მომავალში ჩვენი თანამშრომლობა კიდევ უფრო გაღრმავდება“ - განაცხადა გიორგი ტყემალაძემ.

თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარის გიორგი ბირბიჩაძის თქმით კი, აღნიშნული მემორანდუმი, თავისი შედეგებით უკვე იდეის დონეზეც მნიშვნელოვანია. მისივე თქმით, მერიას და რაიონულ გამგეობებს, ფასდაკლებული ფასებით, შეეძლებათ, კიდევ უფრო მეტ ბენეფიციარს გაუწიონ დახმარება.

„ამ დროისთვის, ამ მეტად კეთილშობილურ ღონისძიებაში ჩართვის სურვილი კომპანია „ავერსმა“ გამოთქვა. ვიმედოვნებ, რომ სამომავლოდ აღნიშნულ შეთანხმებას სხვა ფარმაცევტული კომპანიებიც შეუერთდებიან. ეს არის სოციალური პასუხისმგებლობის საუკეთესო მაგალითი“ - განაცხადა გიორგი ბირბიჩაძემ.

კომპანია „ავერსი ფარმას“ გენერალური დირექტორის ირაკლი ფურცელაძის განცხადებით, დღეს ხელი მოეწერა მემორანდუმს, რომლითაც „ავერსმა“ იკისრა ვალდებულება, დედაქალაქის მცხოვრებლებს, პროგრამის ფარგლებში, ფასდაკლების დღეების გარდა, სხვა დღეებშიც ფასდაკლების პირობებით მოემსახუროს.

„ეს არის მნიშვნელოვანი სოციალური პროექტი, რომლის შედეგადაც მოსახლეობას კიდევ უფრო მეტ მედიკამენტზე ექნება წვდომა. „ავერსი“, როგორც მაღალი სოციალური პასუხისმგებლობის მქონე კომპანია, მსგავს პროექტებში მომავალშიც მიიღებს მონაწილეობას“ - განაცხადა ირაკლი ფურცელაძემ.

თბილისის საკრებულოს ჯანმრთელობის დაცვის და სოციალურ საკითხთა კომისია მოქალაქეებისთვის აღნიშნული შეღავათების დაწესების თხოვნით მოლაპარაკებებს სხვადასხვა ფარმაცევტულ კომპანიასთან აწარმოებს. ამ დროისთვის, სოციალური პასუხისმგებლობის გაზიარებისა და თანამშრომლობის სურვილი შპს „ავერსი-ფარმამ“ გამოთქვა. დედაქალაქის საკრებულო იმედს იტოვებს, რომ აღნიშნულ ინიციატივას სხვა ფარმაცევტული კომპანიებიც შეუერთდებიან.

ღონისძიებას თბილისის საკრებულოს დეპუტატებთან ერთად, მერიის ჯანდაცვის და სოციალური მომსახურების საქალაქო სამსახურის უფროსი გელა ჩივიაშვილი და „ავერსი ფარმას“ წარმომადგენლები ესწრებოდნენ.

საკვანძო სიტყვები:

მეტროსადგურ „ახმეტელის თეატრთან“ ტრანსპორტის მოძრაობის სქემა დროებით იცვლება

18 იანვარი, 2020 , 17:30

სარეაბილიტაციო სამუშაოების გამო, 20 იანვრის საღამოდან ვეკუას ქუჩაზე, მეტროსადგურ „ახმეტელის თეატრის“ მიმდებარედ, ტრანსპორტის მოძრაობა შეიზღუდება. ხოლო შეშელიძის ქუჩიდან გობრონიძისა და ნოზაძის ქუჩებისკენ ვეკუა

მოსამართლეობის საკვალიფიკაციო გამოცდის პირველი ეტაპი დასრულდა

18 იანვარი, 2020 , 17:30

მოსამართლეობის საკვალიფიკაციო გამოცდის პირველი ეტაპი დასრულდა. ამის შესახებ ინფორმაციას საქართველოს იუსტიციის უმაღლესი საბჭო ავრცელებს. როგორც გავრცელებულ ინფორმაციაში ვკითხულობთ, 140 გამოსაცდელიდან გამოცდა 20-მა მონაწილ

კომპანია „ჯორჯიან უოთერ ენდ ფაუერი“ განცხადებას ავრცელებს

18 იანვარი, 2020 , 16:05

საბურთალოს რაიონში, დიდ დიღომში, მირიან მეფისა და ფარნავაზის ქუჩების კვეთაზე, კომპანია „ჯორჯიან უოთერ ენდ ფაუერის“ წყალსადენის მაგისტრალური ქსელი ავარიულად დაზიანდა. „ჯორჯიან უოთერ ენდ ფაუერის&ldqu

საქართველოს საზღვრის სიახლოვეს, სომხეთში მიწისძვრა მოხდა

18 იანვარი, 2020 , 11:25

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, საქართველოს საზღვრის სიახლოვეს, სომხეთში მიწისძვრა მოხდა. ცენტრის მიერ გავრცელებული ცნობით, მიწისძვრა თბილისის დროით 05

გენერალური პროკურორის კანდიდატურის შესარჩევად საპროკურორო საბჭოს მიერ გამოცხადებული ერთთვიანი საჯარო კონსულტაციები დასრულდა

18 იანვარი, 2020 , 11:05

საქართველოს გენერალური პროკურორის კანდიდატურის შესარჩევად საპროკურორო საბჭოს მიერ 2019 წლის  17 დეკემბერს  გამოცხადებული ერთთვიანი საჯარო კონსულტაციები დასრულდა. აკადემიურმა წრეებმა, სამართლის დარგის სპეციალისტ

საბურთალოს რაიონის ნაწილს ელექტრომომარაგება დროებით შეეზღუდება

18 იანვარი, 2020 , 10:55

„თელასის“ ინფორმაციით, გადაუდებელი სამუშაოების ჩატარების გამო, საბურთალოს რაიონში დღეს ელექტრომომარაგება დროებით შეიზღუდება. „გადაუდებელი სამუშაოების გამო, 10:00-დან 17:00 საათამდე შეზღუდვა შეეხება ლისი

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`