პოლიტიკა
თბილისის საკრებულოში თავმჯდომარის მოადგილეები აირჩიეს
თბილისის მეექვსე მოწვევის საკრებულომ თავმჯდომარის სამი მოადგილე აირჩია.
ახლად არჩეულმა თბილისის საკრებულოს თავმჯდომარემ გიორგი ტყემალაძემ სხდომაზე პირველი მოადგილის თანამდებობაზე გიორგი ახვლედიანის კანდიდატურა წარადგინა. ახვლედიანს 39-მა დეპუტატმა დაუჭირა მხარი, 1 წინააღმდეგი იყო.
მოადგილეებად ასევე წარდგენილი იყო მარიკა დარჩიასა და დავით უჯმაჯურიძის კანდიდატურები.
მარიკა დარჩიას მხარი დაუჭირა 38-მა დეპუტატმა, 1 წინააღმდეგი იყო. დავით უჯმაჯურიძის კანდიდატურას ასევე 38-მა დეპუტატმა დაუჭირა მხარი, 1 წინააღმდეგი იყო.
დღესვე სხდომაზე საკრებულოს ახლად არჩეული ოთხი წევრის უფლებამოსილების შეწყვეტის საკითხი განიხილეს. ეს დეპუტატებია: გიორგი ალიბეგაშვილი, ნიკა მელია, დავით ავალიანი და დავით დარჩიაშვილი. მათი ადგილმონაცვლე წევრის საკითხს საკრებულო შემდეგ სხდომაზე განიხილავს.
საკრებულოს 50 დეპუტატიდან 10 ოპოზიციის წარმომადგენელია, დანარჩენი კი „ქართული ოცნების“.
ნინო ექვთიმიშვილი