საზოგადოება

თბილისის ცენტრალურ უბნებში უნდა შეიზღუდოს K2 კოეფიციენტის გაცემა, რაც ქაოტურ მშენებლობებს შეზღუდავს - მამუკა სალუქვაძე

თბილისის ცენტრალურ უბნებში უნდა შეიზღუდოს K2 კოეფიციენტის გაცემა, რაც ქაოტურ მშენებლობებს შეზღუდავს, - აცხადებს დედაქალაქის მიწათსარგებლობის გენერალური გეგმის ავტორის „სითი ინსტიტუტის“ წარმომადგენელი, მამუკა სალუქვაძე.

მისი ინფორმაციით, დოკუმენტში, რომელიც საბოლოოდ საკრებულომ უნდა დაამტკიცოს 11 ლოკაცია შევიდა, სადაც რეკრეაციული ზონები უნდა განვითარდეს, მათ შორის არის ელიავას ბაზრობის ტერიტორია.

„საუბარია იმაზე, რომ არა მხოლოდ ელიავას ტერიტორია, არამედ აგლაძის ქუჩაც, ანუ მიმდებარე ქუჩა სადაც იცით თქვენ, რომ ძალიან ბევრი მცირე საწარმო არის, საამქროები და იქ მაცხოვრებლებს ეს ძალიან ხელს უშლის. ეს ბუნებრივია იმიტომ, რომ იქ ღია წესით ხდება ქვიშის, ხრეშის გაყიდვა. არის რკინის დამამუშავებელი მცირე საწარმოები, საამქროები. მათი მომავალი ბედი განისაზღვრება სწორედ ჩარჩო გეგმით. აქ მოლაპარაკებები იწარმოებს კერძო მესაკუთრეებთან. მათი ინტერესებიც მაქსიმალურად უნდა იყოს დაცული და იმ მოსახლეობისაც რომელიც იქ ცხოვრობს. და უპირატესად მინდა, რომ ეს ტერიტორია გამწვანების და რეკრეაციის კუთხით იყოს განვითარებული,“- განაცხადა გენგეგმის თანაავტორმა მამუკა სალუქვაძემ.

პოლიტიკა, ხორავას ქუჩაზე მოზარდების მკვლელობის საქმის შემსწავლელი დროებითი საპარლამენტო საგამოძიებო კომისია, ხორავას ქუჩაზე მოზარდების მკვლელობა, ელენე ხოშტარია

6-7 ივლისს ხორავას ქუჩის საქმის შემსწავლელი საგამოძიებო კომისია ფსიქოლოგის თანხლებით არასრულწლოვნებს დაკითხავს

თბილისი, მედიანიუსი, 5.07.18 6-7 ივლისს ხორავას ქუჩაზე მოზარდების მკვლელობის საქმის შემსწავლელი დროებითი საპარლამენტო საგამოძიებო კომისია არასრულწლოვნებს დაკითხავს. ამის შესახებ კომისიის წევრმა ელენე ხოშტარიამ განაცხადა.

დაკითხვა დახურული იქნება.

„გარდა იმისა, რომ არასრულწლოვანთა კოდექსი ამ გამოკითხვის დახურულობას უზრუნველყოფს, კომისიის ერთსულოვანი გადაწყვეტილებაა, რომ ეს გამოკითხვები უმაღლესი სტანდარტით ჩატარდეს, რადგან გამოკითხვა იმ გარემოში ბავშვებისთვის დამატებითი სტრესი იქნება. ჩვენ გადავწყვიტეთ, გარემოც და გამოკითხვის ფორმაც ისეთი იყოს, რომ ბავშვების ნაკლებად სტრესულ ვითარებაში აღმოჩნდნენ. შესაბამისად, გამოკითხვა სპეციალიზებული ფსიქოლოგის მიერ ისეთ გარემოში ჩატარდება, რომელიც ერთი მხრივ, ინფორმაციის სანდოობას და მეორე მხრივ, არასრულწლოვან ბავშვებზე მინიმალურ სტრესს უზრუნველყოფს“, -აღნიშნა დეპუტატმა.