უკან

უახლესი ამბები

დღის კალენდარი

ანონსები

არქივი

საზოგადოება

15 ივნისი, 2018 16:00
font-size

თბილისში 30 საზოგადოებრივი საპირფარეშო ივლისში დაიდგმება

თბილისში 30 საზოგადოებრივი საპირფარეშო ივლისში დაიდგმება. თბილისის მერიის ქონების მართვის სააგენტოს ინფორმაციით, საპირფარეშოები 30 ადგილზე განთავსდება, მათ შორის ტურისტულ ზონებშიც.

ცნობილია, რომ საპირფარეშოებით მომსახურებისთვის თანხის გადახდა შესაძლებელი იქნება, როგორც ნაღდი ანგარიშსწორებით, ისე „მეტრომანითა“ და სხვა პლასტიკური ბარათებით.

„საპირფარეშოები ისე იქნება მოწესრიგებული, რომ ექნება ავტომატური რეცხვა და ადამიანის ჩარევა ნაკლებად იქნება,“ - აცხადებენ ქონების მართვის სააგენტოში.

კომპანია „სითი ბოქსს,“ რომელიც საზოგადოებრივ საპირფარეშოებს განათავსებს, ვალდებულება აქვს, ობიექტები შშმ პირებისთვის ადაპტირებული იყოს, ასევე საინფორმაციო წარწერებზე დატანილი იყოს ბრაილის შრიფტი. ამასთან, საპირფარეშო აღჭურვილი იქნება ბავშვისთვის გამოსაცვლელი მაგიდით.

„ეს იქნება მზა კონსტრუქცია, რომელიც უკვე შეკვეთილია და უნდა ჩამოიტანონ. კონსტრუქციები იქნება ანტივანდალური, ანუ სპეციალური მასალით დამზადებული. მიწისქვეშა კომუნიკაციები უკვე მოწესრიგებული და გამზადებულია და დადგმა სავარაუდოდ, ივლისში დაიწყება“, - განმარტავენ ქონების მართვის სააგენტოში.

სააგენტოს ინფორმაციით, ანტივანდალური და ავტომატიზირებული საპირფარეშოს მოვლა-პატრონობასა და სანიტარულ-ჰიგიენური პირობების დაცვაზე პასუხისმგებელი მოიჯარე იქნება, რომელიც ასევე ვალდებულია, ცხელი ხაზის მუშაობა კვირაში 7 დღის განმავლობაში 24-საათიანი რეჟიმით განახორციელოს.

საპირფარეშოს მომსახურების საფასური ჯერჯერობით ცნობილი არ არის. როგორც მერიის ქონების მართვის სააგენტოში განმარტავენ, ფასს კომპანია განსაზღვრავს.

საზოგადიოებრივი საპირფარეშოები შემდეგ ადგილებში გათავსდება: მეტროსადგური დიდუბის ზედა და ქვედა შესასვლელები, ჭავჭავაძის გამზირის N30-ის მიმდებარედ, ათონელის ქუჩაზე ალექსანდრეს ბაღთან, კუს ტბის მიმდებარე ტერიტორია, სააკაძის მოედანი, ორთაჭალის ავტოსადგურის მიმდებარედ და მოპირდაპირედ გულიას ქუჩაზე, ჩაჩავას ქუჩის N1-ის მიმდებარედ, მეტროსადგურ „ისნის“ მიმდებარედ ქეთევან წამებულის ქუჩა, ყაზბეგისა და პეკინის ქუჩების კვეთაზე, რიყის პარკში, დიღმის მასივში ე. მიქელაძის ქუჩის N12, აღმაშენებლის გამზირი N 19 მდებარე სკვერში, გურამიშვილის ქუჩაზე მეტროსადგურ „სარაჯიშვილის“ მიმდებარედ, ც.დადიანის ქუჩაზე გადასასვლელი ხიდის მიმდებარედ, მეტროსადგურ ავლაბართან, კიკვიძის ბაღში, ც. დადიანის ქუჩაზე მეტროსადგურ „ნაძალადევის“ მიმდებარედ, მტკვრის მარცხენა სანაპიროზე - ელიავას ბაზრობის მიმდებარედ, აგლაძის ქუჩის N1-ის მიმდებარედ - ელიავას ზედა შესასვლელთან, წინამძღვრიშვილის ქუჩაზე - „დეზერტირების“ ბაზრის მიმდებარედ, სადგურის მოედანზე, კახეთის გზატკეცილზე (ლილო), ბაგებში - ავტობუსის ბოლო გაჩერებაზე, დიღმის მასივში - მაიაკოვსკის სახელობის სკვერსა და საბურთალოს სასაფლაოს მიმდებარე ტერიტორიაზე.

საქართველოში სწავლის შეწყვეტის საფუძველი არ არსებობს - სამინისტრო

27 თებერვალი, 2020 , 14:25

საქართველოს განათლების, მეცნიერების, კულტურისა და სპორტის სამინისტრო აცხადებს, რომ საქართველოში კორონავირუსის დაფიქსირების მიხედავად, არც საერთაშორისო სტანდარტითა და არც ჯანდაცვის რეკომენდაციებით, დღეის მდგომარეობით, სწა

შემთხვევების 81% სრული გამოჯანმრთელებით მთავრდება - ამირან გამყრელიძე

27 თებერვალი, 2020 , 12:30

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსთან დაკავშირებით საქართველოში არის სამედიცინო ქსელის სრული მზადყოფნა, რომ ადამიანებს შესაბამისი სამედიცინო დახმარება გაეწიო

ბაგა-ბაღების მართვის სააგენტო საჯარო ბაღებს ახალ კორონავირუსთან დაკავშირებით დამატებითი პრევენციული ღონისძიებების რეკომენდაციით მიმართავს

27 თებერვალი, 2020 , 12:15

თბილისის ბაგა-ბაღების მართვის სააგენტომ 181 საჯარო ბაღს ახალი კორონავირუსისგან თავის ასარიდებლად დამატებით საპრევენციო ღონისძიებები, საინფორმაციო ბროშურები და რეკომენდაციები გაუგზავნა. თბილისის ბაგა-ბაღების მართვის სააგე

საქართველოს ბანკის მხარდაჭერით განათლების მე-10 საერთაშორისო გამოფენა გაიმართება

27 თებერვალი, 2020 , 12:00

საქართველოს ბანკის მხარდაჭერით უმაღლესი და პროფესიული განათლების, საზღვარგარეთ სწავლისა და სტუდენტური სერვისების მე-10 საერთაშორისო გამოფენა გაიმართება. ღონისძიების ფარგლებში 12 სხვადასხვა ქვეყნიდან წარმოდგენილი (საქართვ

“გადააგდეთ ბეტონყმობა!” - თბილისის მერიასთან საპროტესტო აქცია გაიმართა

27 თებერვალი, 2020 , 12:00

თბილისის მერიასთან „ანას ბაღის“ შენარჩუნების მოთხოვნით საპროტესტო აქცია გაიმართა. აქციის მონაწილეებმა თბილისის მერიაში კახა კალაძის სახელზე წერილიც შეიტანეს და „ანას ბაღის“ საკითხით პირადად დაინტე

ვანო მერაბიშვილი პოლონეთში გაემგზავრა

27 თებერვალი, 2020 , 11:35

საქართველოს შინაგან საქმეთა ყოფილი მინისტრი და ყოფილი პრემიერ-მინისტრი ვანო მერაბიშვილი პოლონეთში გაემგზავრა. „ვანო მერაბიშვილი მიემგზავრება პოლონეთის რესპუბლიკაში, სადაც სეიმის ხელმღვანელობის მოწვევით, მონაწილეობა

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`