საზოგადოება

თბილისში, ჭავჭავაძის გამზირზე მკვლელობა მოხდა

თბილისში, ჭავჭავაძის გამზირის 9 ნომერში მკვლელობა მოხდა. ცეცხლსასროლი იარაღიდან სროლის შედეგად მოკლულია მამაკაცი. ასევე, არსებული ინფორმაციით, სროლის შედეგად დაჭრილია მოკლულის თანმხლები პირი, რომელიც კლინიკაშია გადაყვანილი.

როგორც მოკლულის ახლობლები საქართველოს პირველ არხთან საუბარში ამბობენ, მოკლული 58 წლის ბიზნესმენია.

შსს-ს პრესსამსახურის ცნობით, გამოძიება სისხლის სამართლის კოდექსის 108-ე, მკვლელობის და 336-ე, ცეცხლსასროლი იარაღის უკანონოდ შეძენა-შენახვა-ტარების მუხლებით დაიწყო.

ჭავჭავაძის გამზირზე საგამოძიებო მოქმედებები მიმდინარეობს, ადგილზე გამომძიებლები და ექსპერტ-კრიმინალისტები მუშაობენ. გამზირი ნაწილობრივ გადაკეტილია.

ფოტო: ჩემი ქალაქი მკლავს