საზოგადოება

თბილისში რუსული მატარებელი „Золотой Орел” არის შემოსული

თბილისის ცენტრალური რკინიგზის სადგურზე უკვე 3 დღეა რუსული მატარებელი „ოქროს არწივი“ დგას.

როგორც რუსთავი2-ს საქართველოს რკინიგზაში განუმარტეს, მატარებელი ბრიტანულ კომპანიას ეკუთვნის და მას ტურისტების ჯგუფი ევროპასა და აზიაში გადაჰყავს, საქართველოს კი მხოლოდ სატრანზიტო დერეფნად იყენებს, რომლისთვისაც თანხას იხდის.

უწყების ინფორმაციითვე, მატარებელი თბილისში უკვე მესამე წელია შემოდის.

„ეს მატარებელი, ტურისტული მატარებელი, ე.წ. ოქროს არწივი შემოდის უკვე მესამე წელია, წელიწადში ერთხელ. შემოდგომაზე ხდება ხოლმე, ამ პერიოდში როგორც წესი. ეს არის ტურისტული მატარებელი, რომელიც შემოდის აზერბაიჯანიდან, მოჰყავს ტურისტები, აქ ათვალიერებენ საქართველოს ღირსშესანიშნაობებს, ბრუნდება უკან და მერე გადადის შუა აზიის რესპუბლიკებში“,- განაცხადა საქართველოს რკინიგზის მგზავრთა გადაყვანის სამსახურის დირექტორის მოადგილემ ხარიტონ შალამბერიძემ.

საქართველოს რკინიგზის ინფორმაციით, მატარებელი „ოქროს არწივი“ საქართევლოში 17 ოქტომბერს შემოვიდა და ქვეყანას 22 ოქტომბერს დატოვებს.

მონიკა დავლიანიძე