საზოგადოება

თბილისში თეთრი ფერის ტაქსების გარდა სხვა ფერის ტაქსებიც იმოძრავებენ

თბილისში თეთრი ფერის ტაქსების გარდა, რიგ შემთხვევაში სხვა ფერის ტაქსებიც იმოძრავებენ.

როგორც ტრანსპორტის საქალაქო სამსახურში განმარტავენ, მერია ასეთ შესაძლებლობას იმ მოქალაქეებისთვის ტოვებს, რომელთა ძირითად საქმიანობას ტაქსით მომსახურების გაწევა არ წარმოადგენს და კლიენტებს ამ სერვისს ძირითადი სამუშაოს პარალელურად, გარკვეული საათების განმავლობაში სთავაზობენ.

ასეთი ფენის ტაქსებს B კატეგორია დაერქვათ.

,,მძღოლს შეუძლია იყოს ბაზარზე ნებისმიერი ფერის მანქანით, უბრალოდ ის ვერ იქნება ტაქსის ვიზუალში, არ ექნება ტაქსის ნიშანი და ვერ ისარგებლებს იმ სიკეთეებით, რითაც სარგებლობენ A კატგორიის მძღოლები: უფასო, მანათობელი ტაქსის ნიშნით, უფასო საპარკინგე ადგილებით, ავტომანქანაზე რეკლამის განთავსებით, მანქანის გადაღებვისა და სალონის ქიმიური წმენდის მომსახურებით“, - აცხადებენ მერიაში.