საზოგადოება

თბილისში უპატრონო ცხოველების გამოსაკვები აპარატების დადგმა იგეგმება

თბილისის მერიის ვებ-გვერდზე ქალაქის განვითარების შესახებ მოქალაქეთა იდეების მიღება მიმდინარეობს.

ერთ-ერთი იდეა, მოქალაქე გიორგი ხავთასს ეკუთვნის და თბილისის ქუჩებში მიუსაფარი ცხოველებისთვის საკვები აპარატების დამონატაჟებას შეეხება.

იდეის ავტორის განმარტებით, არსებობს დანადგარი, რომელიც უპატრონო ცხოველებისთვის საკვებს გამოიმუშავებს. კერძოდ, დანადგარში ჩაიყრება პროდუქტების ნარჩენები და მის ქვემოთ ჩამოიყრება ცხოველისთვის სპეციალური საჭმელი. საკვების გარდა აპარატით, წყლის დალევაც შეეძლებათ.

იდეის ავტორის თქმით, ეს ხელს შეუწყობს არამხოლოდ ცხოველების გამოკვებას, არამედ ქალაქის დასუფთავებასაც შეუწყობს ხელს. მოქალაქეებს ექნებათ მოტივაცია, არ დაანაგვიანონ თბილისის ქუჩები და ჩააგდონ ნარჩენები ასეთ დანადგარებში

როგორც მერიის ვებგვერდზეა აღნიშნული, იდეა უკვე შეთანხმებულის სტატუსითაა.

პროექტის დამუშავება შესაბამის სამსახურს დაევალა. მერიაში ამბობენ, რომ ე.წ. ქუჩის ცხოველების გამოსაკვები აპარატები თბილისის ქუჩებში წლის ბოლომდე დაიდგმება.