უკან

უახლესი ამბები

დღის კალენდარი

ანონსები

არქივი

პოლიტიკა

3 აგვისტო, 2018 15:25
font-size

თეიმურაზ შაშიაშვილი საპრეზიდენტო არჩევნებში მის შესაძლო მონაწილეობასთან დაკავშირებით კონსულტაციებს მართავს

გელათის მეცნიერებათა აკადემიის წევრი, თეიმურაზ შაშიაშვილი საპრეზიდენტო არჩევნებში მის შესაძლო მონაწილეობასთან დაკავშირებით განცხადებას ავრცელებს:

,,ბოლო 15-20 დღეა, ელექტრონულ სივრცეში ვრცელდება 15 სხვადასხვა ჯგუფისა და კონკრეტული პიროვნების ინიციატივა, ვიყარო კენჭი საქართველოს პრეზიდენტად.

უღრმესი მადლობა მათ და 2000-ზე მეტ ადამიანს, რომელთაც კონკრეტული ჩანაწერით გამოხატეს ჩემდამი კეთილგანწყობა და სურვილი, ვიყარო კენჭი. სხვათა შორის,იგივე წინადადებით მომმართა არაერთმა ცნობილმა პიროვნებამ და საზოგადო მოღვაწემ.

ეს საამაყოც არის ჩემთვის, მაგრამ უდიდეს პასუხისმგებლობას მანიჭებს. ვიცი რა, რომ დღეს პოლიტიკოსობა საერთოდ, და მით უმეტეს პრეზიდენტობა - ეს ხალხისთვის თავგანწირვით მუშაობაა.

მწამს და მჯერა!აჩქარებით საკითხის გადაწყვეტა არავისთვის სასიკეთო არ იქნება, პირველ რიგში, ქვეყნისთვის. არადა ვხედავ, რომ ეს განწყობა სჭარბობს დღეს საქართველოში. ვფიქრობ, ყველა, ვინც საბოლოოდ იქნება პრეზიდენტობის კანდიდატთა რიგებში მისი წარსულით, ხალხის თვალში უნდა იყოს პიროვნება, რომელმაც ეს უფლება წესიერებით და თავშეწირვის მზაობით მოიპოვა!

მსოფლიოში არ არსებობს პოლიტიკოსი, რომელსაც ამბიცია არ ჰქონდეს, რაც კანონზომიერია, მაგრამ არსებობს ორი სახის ამბიცია: ერთი - როცა იბრძვი იმისთვის, რაც დაიმსახურე, გეკუთვნის და რისი გაკეთებაც შენი გამოცდილებითა და განათლებით შეგიძლია და მეორე - როცა გინდა მიიღო ის, რაც არ გეკუთვნის, მაგრამ გაქვს საშუალებები, რომ ისეთ ქვეყანაში, როგორიც საქართველოა, როცა ხალხი სასოწარკვეთილ მდგომარეობაშია, როცა მოსახლეობის დიდ ნაწილს არსებობა უჭირს - მოიპოვო ის, რაც არ გეკუთვნის!!!

სამწუხაროდ, საქართველოში მეორე სჭარბობს! ძნელია,მოძებნო ადამიანი, რომელიც იმ ადგილზე ზის, რომელიც ეკუთვნის - უწესობა მარტო ქრთამის აღება კი არ არის, გაცილებით მძიმეა, როცა სხვის ადგილზე ზიხარ, როცა როგორც მინიმუმ, ათ კაცს მაინც შეუძლია ამ თანამდებობაზე შენზე მეტის გაკეთება. საქართველოში ამას მასიური ხასიათი აქვს. ეს კატასტროფაა და ამიტომაც ვართ ამ მდგომარეობაში.

მე სერიოზულად ვაანალიზებ ქვეყანაში არსებულ მდგომარეობას - იმას, რისი გაკეთება შეიძლება ამ უფლებების მქონე პრეზიდენტის პოსტიდან, ვთათბირობ უამრავ ადამიანთან, პრეზიდენტობის ჩემი კანდიდატებიც მყავს, რომლებთანაც ვაპირებ შეხვედრებს და შეთავაზებას, იყარონ კენჭი და თუ საჭიროდ ჩათვლიან, მე მათ გვერდით დავდგები.

ალბათ, კიდევ ათი დღე დამჭირდება, გავიარო კონსულტაციები და საჯაროდ გამოვხატო ჩემი პოზიცია - ვიყრი კენჭს, თუ არა.

ერთი,რაც დღეს ჩემთვის გადაწყვეტილად ითვლება:

პარტიის სახელით არ ვიყრი კენჭს,პარტიულ კანდიდატს არ დავუჭერ მხარს და არც ქუჩაზე ორიენტირებულს.პარტიებმა ქუჩის პოლიტიკით მივიყვანეთ ქვეყანა ამ გაუსაძლის მდგომარეობამდე.

უნდა დამთავრდეს პარტიების გაფეტიშების და ქუჩის პოლიტიკოსების ეპოქა.ქვეყანას სრულიად სხვა მასშტაბისა და პოლიტიკური კულტურის მმართველობა სჭირდება - მეცნიერებაზე დაფუძნებული მმართველობა.

ეს მისია სწორედ მომავალმა პრეზიდენტმა უნდა იკისროს.მას უნდა ჰქონდეს ეს განწყობა, გამოცდილებაც და იმის უნარიც,რომ ამ საშვილიშვილო საქმეს ჩაუდგეს სათავეში“, - ნათქვამია თემურ შაშიაშვილის განცხადებაში.

მე ველოდები, საქართველო რა განაჩენს გამოუტანს არა მარტო მირზა სუბელიანს, არამედ მთელ ხელისუფლებას - ზაზა სარალიძე

15 ოქტომბერი, 2018 , 17:44

თბილისში, ხორავას ქუჩაზე მოკლული დავით სარალიძის მამის, ზაზა სარალიძის განცხადებით, მისი შვილის მკვლელობის საქმე თავიდან ბოლომდე შეკერილია და ამაში მონაწილეობას პროკურატურის ყოფილი მაღალჩინოსანი, მირზა სუბელიანიც იღებდა.

ვთავაზობ სუბელიანს, თუ ის მზად არის, შეხვედრა ღიად, კამერების თანდასწრებით მოხდეს - ირმა ინაშვილი

15 ოქტომბერი, 2018 , 17:30

მზად ვარ, მირზა სუბელიანს კამერების თანდასწრებით შევხვდე, რათა არავის, არც ერთ ორგანოზე “ჟუჩოკების“ დამაგრება არ დასჭირდეს, - განაცხადა პარლამენტის ბიუროს სხდომაზე, ვიცე-სპიკერმა ირმა ინაშვილმა. ,,საქართველოს

ერთი სპექტაკლი დაიწყეთ და ჩაგივარდათ, მეორე სპექტაკლიც ჩაგივარდებათ - ირაკლი კობახიძიძე ნიკა მელიას

15 ოქტომბერი, 2018 , 17:30

პარლამენტის თავმჯდომარემ ირაკლი კობახიძემ გუშინ გამოქვეყნებული აუდიოჩანაწერები „ნაციონალური მოძრაობის“ მიერ დადგმული სპექტაკლი უწოდა. როგორც ირაკლი კობახიძემ ბიუროს სხდომაზე „ნაციონალური მოძრაობის&ldquo

ნოტარიუსის როლი არ ექნება საქართველოს პარლამენტს ამის გარანტიას გაძლევთ მთელი პასუხისმგებლობით - მამუკა მდინარაძე

15 ოქტომბერი, 2018 , 17:30

საპარლამენტო უმრავლესობა თანახმაა, ოპოზიციის მოთხოვნის საფუძველზე შს მინისტრი და მთავარი პროკურორი პარლამენტში მივიდნენ, თუმცა მას შემდეგ, რაც გამოძიება გარკვეულ დეტალებს გამოკვეთს. როგორც დეპუტატმა მამუკა მდინარაძემ პარ

თქვენ ხართ ტყვეობაში აყვანილი სუბელიანისა და ფარცხალაძის მიერ - ნიკა მელია უმრავლესობის წევრებს

15 ოქტომბერი, 2018 , 17:00

გუშინ „რუსთავი 2“-ის მიერ გამოქვეყნებულ აუდიოჩანაწერებს პარლამენტის ბიუროს სხდომაზე განიხილავენ. „ნაციონალური მოძრაობის“ წევრის, ნიკა მელიას შეფასებით, „ქართული ოცნების“ წევრები დაუცვე

ხელისუფლების უმაღლესი თანამდებობის პირები მონაწილეობენ იმ ტიპის კრიმინალურ გარიგებებში, რაც დამახასიათებული იყო შევარდნაძისა და სააკაშვილის რეჟიმებისათვის - კახა კუკავა

15 ოქტომბერი, 2018 , 16:25

პრეზიდენტობის კანდიდატი, კახა კუკავა გუშინ გამოქვეყნებულ აუდიოჩანაწერებს ეხმაურება. „გუშინ გამოქვეყნებულმა ჩანაწერებმა ერთხელ და სამუდამოდ გაფანტა ვერსია იმის შესახებ, იყო თუ არა ადრე გამოქვეყნებული ჩანაწერები ავთე

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`