პოლიტიკა

ტელეკომპანია „იმედი“ რამდენჯერმე აფეთქდა ამ სოციოლოგიურ კვლევებთან დაკავშირებით - ლევან ბეჟაშვილი

„სამწუხაროა, რომ ტელეკომპანია „იმედი“ რამდენჯერმე აფეთქდა ამ სოციოლოგიურ კვლევებთან დაკავშირებით“,- ამის შესახებ „ნაციონალური მოძრაობის“ წევრმა, ლევან ბეჟაშვილმა განაცხადა.

„პირველ ტურამდე ჩვენ ვხედავდით მათ მიერ გამოქვეყნებული კვლევების შედეგებს, ვნახეთ უკვე არჩევნების პირველი ტურის შემდეგ გამოქვეყნებული შედეგები და გუშინ ასევე გავიგეთ, რომ ის ორგანიზაცია, რომლის სახელითაც თურმე ჩატარდა ეს კვლევა, საერთოდ არ არის კავშირში ამ კვლევასთან. მიუხედავად ყველანაირი მანიპულაციებისა, აღნიშნული საზოგადოებრივი კვლევის შედეგებით, განწყობა არის აშკარა, მილიონზე მეტმა ამომრჩეველმა „ქართული ოცნების“ კანდიდატის წინააღმდეგ მისცა ხმა. არჩევნების მეორე ტურში გრიგოლ ვაშაძე შეძლებს, რომ აღნიშნული ხმები მის სასარგებლოდ მოიმხროს“, - განაცხადა ბეჟაშვილმა.

ცნობისთვის, ტელეკომპანია „იმედმა“ მის მიერ Gallup International-ისთვის დაკვეთილი წინასაარჩევნო განწყობების შესახებ კვლევის შედეგები გამოაქვეყნა კვლევის თანახმად, დღეს რომ საპრეზიდენტო არჩევნების მეორე ტური ტარდებოდეს, გამოკითხულთა 28% სალომე ზურაბიშვილს მისცემდა ხმას, 26% – გრიგოლ ვაშაძეს. 37%-ს არ გადაუწყვეტია ან არ იცის, წავა თუ არა არჩევნებზე, 9%-ის თქმით კი, არცერთ კანდიდატს არ აძლევს ხმას.