უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
პოლიტიკა
ტოკიოს მერმა სალომე ზურაბიშვილს გაპრეზიდენტება მიულოცა და რაგბის მსოფლიო ჩემპიონატზე დაპატიჟა
იაპონიის დედაქალაქ ტოკიოს მერმა იურიკო კოიკემ სალომე ზურაბიშვილს გაპრეზიდენტება მიულოცა.
საქართველოს არჩეული პრეზიდენტისადმი გაგზავნილ წერილში, იურიკო კოიკემ დაწერა, რომ ტოკიოს მოსახლეობისგან მანდატი 2016 წელს მიიღო და როგორც ქალი ლიდერი, სალომე ზურაბიშვილს წარმატებებს უსურვებს.
„ტოკიოში თქვენი ქვეყნის საელჩოს საშუალებით, ტოკიოს მთავრობა საქართველოსთან კავშირების გაძლიერებაზე მუშაობს. საქართველოს მიმართ ინტერესი გაძლიერებულია ორი ქვეყნის საელჩოს მიერ ინიცირებული „გლობალური მეგობრობის პროექტის“ შესაბამისად, რომელიც 2020 წლის ტოკიოს ოლიმპიური და პარაოლიმპიური თამაშების წარმატებისთვის ხორციელდება.
პროგრამის ფარგლებში, ტოკიოს 40 სკოლაში საქართველოს კულტურასა და ისტორიას სწავლობენ. ასევე, შემდეგ წელს იაპონია უმასპინძლებს რაგბის მსოფლიო ჩემპიონატს, სადაც საქართველოც მიიღებს მონაწილეობას. ველი, რომ გიმასპინძლოთ თქვენ და ქართველ ხალხს, რაგბის მსოფლიო ჩემპიონატზე.
გთხოვთ, მიიღოთ ჩემი გულწრფელი სურვილები თქვენს ჯანმრთელობასა და საქართველოს მომავალ აყვავებასთან დაკავშირებით“, – აღნიშნულია ტოკიოს მერის წერილში.