უკან

უახლესი ამბები

დღის კალენდარი

ანონსები

არქივი

საზოგადოება

7 ნოემბერი, 2016 17:15
font-size

თქვენ აიძულებთ ახალგაზრდებს ძლივს ნაშოვნ სამსახურს დაემშვიდობონ 50 ლარად - თინა ხიდაშელი

თავდაცვის ყოფილი მინისტრი, თინა ხიდაშელი სოციალურ ქსელში ვრცელი სტატუსით გამოეხმაურა უწყების ახალი ხელმძღვანელის გადაწყვეტილებას, აღადგინოს სავალდებულო სამხედრო სამსახურში გაწვევა.

,,ეხლა უფრო სერიოზულად სამხედრო გაწვევაზე.

თავდაცვის მინისტრმა დღეს აღადგინა სახმედრო სავალდებულო სამსახური შეიარაღებულ ძალებში.
ყველაზე მთავარი:
1. ქვეყნის უსაფრთხოებაზე საუბრისას -- "უფრო ეკონომიურია" ძალიან სუსტი და არასერიოზული არგუმენტია;
2. ფინანსური ციკლი კონტრაქტის ვადით ითვლება და 4 წლის პერსპექტივაში, მით უფრო თუ სრულ სამხედრო მომზადებაზე გადავიყვანთ წვევამდელებს, არ არის "უფრო ეკონომიური", აი უფრო უშედეგო კი ნამდვილად არის.
3. გაწვევის იმ ფორმას, რომელიც საქართველოში მოქმედებს რამდენიმე ფუნდამენტური, დემოკრატიულ სახელმწიფოსთან არა-თავსებადი პრობლემა აქვს ჩვენში:
-- ის სუბიექტურია და სოციალურად უსამართლოა;
-- ის ადამიანის შრომის გამოყენებას გულისხმობს ანაზღაურების გარეშე;
-- ის ახალგაზრდის იძულებაზეა დაფუძნებული, და შესაბამისად სახელმწიფოს მოძალადედ აქცევს;
-- ის არ აძლევს ახალგაზრდას შესაძლებლობას დაგეგმოს მისი მომავალი;
-- ის სახელმწიფო სახსრებს მიმართავს ღონისძიებისთვის, რომელსაც სახელმწიფოს / საზოგადოების ინტერესებისთვის შედეგი არ მოაქვს; უბრალოდ ფლანგავს საბიუჯეტო რესურსს;
-- ქმნის თავდაცვის შემძლეთა რაოდენობრივ ილუზიას, და შესაბამისად, ასუსტებს საფრთხის გამკლავების სახელმწიფოს უნარებს;

სინამდვილეში რა უნდა გაკეთდეს:
-- "ტოტალური თავდაცვა" ახსენა დღეს მინისტრმა. ტოტალური თავდაცვა ასევე, ტოტალურად გაზრდილ თავდაცვის ბიუჯეტს ნიშნავს (შეგახსენებთ მინისტრმა იზორიამ მინისტრობა 5 მილიონიანი კლებით დაიწყო. ეს მისი სულ პირველი ნაბიჯი იყო);
-- თუ ბიუჯეტს ვერ ზრდი, იმ თანხით რომლიც გაქვს პროფესიული ხიშტი უნდა გაამრავლო და ყველა სხვა ხარჯს უბრალოდ უნდა დაემშვიდობო;
-- თუ გაწვევის აღდგენას გეგმავ, 12 ლარიდან 50 ლარამდე გაგიზრდით ანაზღაურებასო კი არ უნდა უთხრათ ახალგაზრდებს, საკანონმდებლო ცვლილებები უნდა გააცნო როგორ მოაგვარებთ მათ პრობლემებს.

ეს 2016 წლის საქართველოა:

>> ადამიანებს სამსახურის შოვნა უჭირთ და თუ პოულობენ მასთან განშორება სიკვდილის ტოლფასია -- თქვენ აიძულებთ ახალგაზრდებს ძლივს ნაშოვნ სამსახურს დაემშვიდობონ 50 ლარად;
>> ახალგაზრდებს კრედიტები აქვთ, რომელსაც იმ ახლადნაშოვნი სამსახურით ფარავენ -- თქვენ აიძულებთ მათ უპერსპექტივო ვალის, მუდმივად მზარდი პროცენტის, და დაკარგული სამსახურის პირისპირ დადგნენ;
>> სავალდებულო სამსახურისთვის თავის აცილების მიზნით, ახალგაზრდები არ ამთავრებენ სასწავლებლებს, გამოცდას იტოვებენ, კურსზე რჩებიან, -- თქვენ ართმევთ მათ ნორმალური, ბუნებრივი განვითარების შესაძლებობას;
>> ჯარში სუიციდი, თვითკვლელობის მცდელობა მაღალია, და ის ექსკლუზიურად წვევამდელებშია მაღალი. ამას მიზეზი აქვს. თქვენ შეგიძლიათ თვალი დახუჭოთ ამ მიზეზებზე, არ დაინახოთ, არავის მოუსმინოთ. ჩვენ დანარჩენ საზოგადოებას იმედი მაქვს არა.
>> თქვენ ატყუებთ საზოგადოებას რომ 2-3 თვეში შესაძლებელია სრულყოფილი სამხედრო მომზადება, რომლის შედეგადაც ქვეყანა მიიღებს სრულფასოვან, ქვეყნის წინაშე არსებული გამოწვევების შესაბამისი პასუხის შემძლე სამხედროს;
>> თქვენ ფლანგავთ ჩვენს მიერ გადახდილ გადასახადებს გაწვევის სისტემის შენარჩუნებით;
>> თქვენ უკლავთ დასაქმების პერსპექტივას იმ ახალგაზრდებს ვისაც ჯარში მსახური საკუთარი განვითარების, კარიერის, ქვეყნის სამსახურის მთავარ ამოცანად აქვთ დასახული;
>> თქვენ უბრალოდ მოატყუეთ საზოგადოება, ვინაიდან ჩემი გადადგომის პირველივე დღეს ზუსტად იცოდით რომ გაწვევას დააბრუნებდით, მაგრამ საარჩევნოდ შეგეშინდათ;
>> სამშენებლო კომპანია ტომრების ზიდვაში, დაცვაში დგომისთვის ხელფასს იხდის, სახელმწიფო არა!!! სახელი თავად დაარქვით!
>> დღეს 7 ნოემბერია, მოსახლეობაზე უპრეცედენტო ძალადობის მორიგი წლისთავი. ძალადობა მხოლოდ მასობრივი ცემით არ ხდება!

უფრო კონკრეტულად, დღეს ნათქვამზე:

1. არ არის სწორი, აზრი იმის შესახებ, რომ ეს ჩემს ჯინაზე გააკეთაა. სამწუხაროდ ის და დღევანდელი ხელისუფლების აბსოლუტური უმრავლესობა ასე ფიქრობს, ასე სჯერათ და გულწრფელი არიან ამ გადაწვეტილებაში. სწორედ ეს არის პრობლემაც.
2. სამი რამ გვითხრა მინისტრმა: კვირაობით სახლში გავუშვებთო, 50 ლარამდე გავზრდით ანაზღაურებასო და სრულ სამხედრო მომზადებას გაივლიანო.
ეს კი ნიშნავს, რომ
2.1. მსახურების ადგილსა -- საცხოვრებელს შორის მანძილის შესაბამისად, 50 ლარი სავარაუდოდ გზის ფულადაც არ არის საკმარისი, თუკი ყოველ შაბათ-კვირას სახლში ივლიან ახალგაზრები;
2.2. საუბარი იმაზე რომ უფრო ეკონომიურია გაწვევა (ამაზე ცოტა მოგვიანებით), იქვე დასრულდა, სრული სამხედრო მომზადება ნიშნავს რომ ხარჯებიც გაიზრდება;
2.3. თავისთავად გაწვევის არსებობა რომ უფრო ეკონომიურია ქვეყნისთვის, ხაზგასმით და ცალსახად მხოლოდ იმიტომ შეიძლება იძახონ, რომ ხელფასს არ უხდით ახალგაზრდებს შრომაში, რომელსაც სახელმწიფო იღებს მათგან’’, - წერს თინა ხიდაშელი.

ნინო ექვთიმიშვილი

ვითიბი ბანკმა ბარათიდან ბარათზე გადარიცხვის სერვისი დანერგა

14 აგვისტო, 2018 , 15:50

ვითიბი ბანკის ახალი მომსახურება იძლევა თანხის გადარიცხვის შესაძლებლობას საქართველოში რეგისტრირებული ნებისმიერი ბანკის Visa-ს და Mastercard-ის ბარათებს შორის. თანხის გადარიცხვის ტრადიციული გზების გარდა, შესაძლებელი გახდა

გრიგოლ რობაქიძის ქუჩის სრული რეაბილიტაცია დაიწყო

14 აგვისტო, 2018 , 15:50

თბილისის მერიის ინფრასტრუქტურის განვითარების საქალაქო სამსახურმა დიდუბის რაიონში, გრიგოლ რობაქიძის ქუჩის სარეაბილიტაციო სამუშაოები დაიწყო. მიმდინარე სამუშაოებს დედაქალაქის მერი კახა კალაძე გაეცნო. პროექტის ფარგლებში, გზი

გარანტორი ვიქნები, რომ დიღმის ტყე-პარკში არანაირი შენობა-ნაგებობა არ და ვერ განთავსდება და არცერთი პროექტი არ განხორციელდება - კახა კალაძე

14 აგვისტო, 2018 , 15:05

თბილისის მერი კახა კალაძე გამოეხმაურა არასამთავრობოების მოთხოვნას დიღმის ტყე-პარკთან დაკავშირებით. კალაძის თქმით, აღნიშნულ ტერიტორიაზე არანაირი მშენებლობა არ იგეგმება და ტყე-პარკის ირგვლივ მიმდინარე პროცესები „ნაცი

საკმაოდ ბევრი შენობა-ნაგებობა და ძეგლი გვაქვს ავარიულ, მძიმე მდგომარეობაში - კახა კალაძე

14 აგვისტო, 2018 , 15:05

ჩვენ საკმაოდ ბევრი შენობა-ნაგებობა და ძეგლი გვაქვს ავარიულ, მძიმე მდგომარეობაში, – განუცხადა ჟურნალისტებს დედაქალაქის მერმა, კახა კალაძემ. როგორც კახა კალაძემ აღნიშნა, ავარიული შენობების რეაბილიტაციაზე მომდევნო წლე

გადამფრენ ფრინველებზე ნადირობის სეზონი 2018 წლის 18 აგვისტოს იწყება

14 აგვისტო, 2018 , 14:20

გარემოსა დაცვისა და სოფლის მეურნეობის სამინისტროს განცხადებით, ნადირობის სეზონი 2018 წლის 18 აგვისტოდან დაიწყება. გადამფრენ ფრინველებზე ნადირობის მსურველებმა, ნადირობისას, თან უნდა იქონიონ გარემოდან გადამფრენი ფრინველები

„აპაჩის“ ტიპის ვერტმფრენებმა კომბინირებულ საბრძოლო სროლებში მიიღეს

14 აგვისტო, 2018 , 13:35

მრავალეროვნულ წვრთნაში „ღირსეული პარტნიორი“ ამერიკული შემტევი ავიაცია საბრძოლო სროლებში წელს პირველად ჩაერთო. ვაზიანის მე-11 სასროლეთზე AH-64 „აპაჩის“ ტიპის ვერტმფრენებმა კომბინირებულ საბრძოლო სრო

ვიდეო გალერეა

სისხლში მოსვრილი ბიჭები ხორავას ქუჩიდან