უკან

პოლიტიკა

10 მარტი, 2018 15:30
font-size

ცენტრმა „ემპათიამ“ სისხლის სამართლის საერთაშორისო სასამართლოს პროკურორს, ფატუ ბენსუდას მოუწოდა, 2008 წლის ომის შესახებ გამოძიება გააფართოვოს

წამების, ძალადობისა და გამოხატული სტრესული ზემოქმედების მსხვერპლთა ფსიქორეაბილიტაციის საერთაშორისო ცენტრმა „ემპათიამ“ სისხლის სამართლის საერთაშორისო სასამართლოს პროკურორს, ფატუ ბენსუდას ოფიციალურად მოუწოდა, რომ მან 2008 წლის ომის შესახებ გამოძიება გააფართოვოს.

განცხადებაში საუბარია საოკუპაციო ზოლთან მდებარე სოფლებიდან ადამიანთა გატაცების, წამებისა და არაადამიანური მოპყრობის ფაქტებზე. ცენტრმა ასევე მიმართა საქართველოს პარლამენტის ყველა პოლიტიკურ მხარეს, რომ ამ საქმით დაინტერესდნენ და ქმედითი ნაბიჯები გადადგან.

„ემპათიამ“ გაამახვილა ყურადღება ცხინვალის რეგიონში დაღუპული არჩილ ტატუნაშვილისა და საოკუპაციო ძალების მიერ დაკავებული ლევან ქუთაშვილისა და იოსებ პავლიაშვილის საქმეებზე.

„2018 წლის 9 მარტს, ცენტრმა „ემპათია“ -მ ოფიციალურად მიმართა სისხლის სამართლის საერთაშორისო სასამართლოს პროკურორს ქნ. ფატუ ბენსუდას რუსეთ – საქართველოს ომის შესახებ მიმდინარე გამოძიების ფარგლების გაფართოების შესახებ.

კერძოდ, 2008 წლის 10 ოქტომბრის შემდეგ ადამიანის უფლებათა დარღვევის ფაქტების გამოძიების თაობაზე, რაც ეხება საოკუპაციო ზოლის გარშემო მდებარე სოფლებიდან ადამიანთა გატაცებას, წამებასა და არაადამიანურ მოპყრობას, ასევე, ადამიანთა მკვლელობას.

ამავდროულად ცენტრი „ემპათია“ ამახვილებს ყურადღებას, რომ 2008 წლის ომის შედეგად დაზარალებული იყო და ეთნიკური წმენდის მსხვერპლი გახდა კოდორის რეგიონის მოსახლეობაც, ასევე, ადგილი ჰქონდა ომის დროს სამხედრო დანაშაულებებს რუსეთის ფედერაციის მხრიდან კონფლიქტის მიმდებარე ზონის გარეთაც.

აღნიშნულ მიმართვაში, ცენტრი „ემპათია“, ასევე, განიხილავს როგორც მტკიცებულებას, შემდეგ შემთხვევებს ცენტრი „ემპათია“ -ს პრაქტიკიდან:

არჩილ ტატუნაშვილის წამებისა და მოკვლის ფაქტი, არაადამიანური მოპყრობა ოჯახის წევრთა მიმართ ამ დრომდე გრძელდება, ვინაიდან ოჯახს არ ეძლევა საშუალება, იგლოვოს მიცვალებული საკუთარი რელიგიური თუ კულტურული ტრადიციების შესაბამისად, ხოლო ექსპერტიზის მოტივით ცხედრის არგადმოცემა არ ჯდება არანაირი საჭიროების ჩარჩოში.

ამავდროულად, ცენტრი ამახვილებს ყურადღებას ლევან ქუტაშვილისა და იოსებ პავლიაშვილისთვის გადაადგილების უკანონო შეზღუდვის ფაქტზე.

აღნიშნულ მიმართვაში ასევე განხილულია სხვა შემთხვევებიც, კერძოდ, ნიკა საღინაშვილის საოკუპაციო ზოლიდან უგზო – უკვლოდ გაუჩინარების შემთხვევა, ამირან გუგუტიშვილის უკანონო თავისუფლების აღკვეთის, გამოსყიდვისა და წამების ფაქტები და ასევე სხვა შემთხვევებზე.

ცენტრი „ემპათია“ აღნიშნული განცხადებით ასევე მოუწოდებს საქართველოს პარლამენტის ყველა პოლიტიკურ მხარეს, ოკუპაციის შესახებ ინიცირებული რეზოლუციის ტექსტში ასახული იყოს მიმართვა სისხლის სამართლის საერთაშორისო სასამართლოს პროკურორისათვის რუსეთ – საქართველოს ომის შესახებ მიმდინარე გამოძიების ფარგლების გაფართოების თაობაზე, რაც გულისხმობს როგორც გეოგრაფიული ჩარჩოს, ასევე დროის ჩარჩოს გაფართოებას“, - ნათქვამია განცხადებაში.

გაერთიანებულმა ოპოზიციამ არჩევნების თარიღის სამუშაო დღეს დანიშვნის გამო ცესკოს გადაწყვეტილება სასამართლოში გაასაჩივრა

16 ნოემბერი, 2018 , 17:40

მოძრაობამ „ძალა ერთობაშია“ არჩევნების თარიღის სამუშაო დღეს დანიშვნის გამო ცესკოს გადაწყვეტილება სასამართლოში გაასაჩივრა. განცხადება საქალაქო სასამართლოში „ნაციონალური მოძრაობის“ წევრმა ლევან ბეჟაშ

მომავალი წლიდან საქართველოში წამლის სააგენტო ამოქმედდება - დავით სერგეენკო

16 ნოემბერი, 2018 , 17:40

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის დავით სერგეენკოს ინფორმაციით, მომავალი წლიდან საქართველოში წამლის სააგენტო ამოქმედდება. მისი განმარტებით, სააგენტოს მთა

„ნაციონალური მოძრაობის“ განცხადებები ჰააგის სასამართლოზე სამართლებრივად, უბრალოდ ცდება სიმართლეს - ანა დოლიძე

16 ნოემბერი, 2018 , 17:40

საერთაშორისო სამართლის ექსპერტის, ანა დოლიძის განცხადებით, ჰააგის სასამართლოსთან დაკავშირებით „ნაციონალური მოძრაობის“ განცხადებები სცდება სიმართლეს. დოლიძის თქმით, მას არ ახსენდება, რომ ჰააგის სასამართლოში ჯა

თქვენი იუსტიციის მინისტრი გაათავისუფლეთ თანამდებობიდან, ხომ არ შეიძლება, ქვეყნის წინააღმდეგ საკუთარი იუსტიციის სამინისტრო მოქმედებდეს - გიორგი ვაშაძე

16 ნოემბერი, 2018 , 17:35

გაერთიანებული ოპოზიციის საპრეზიდენტო კანდიდატის, გრიგოლ ვაშაძის საარჩევნო შტაბის ხელმძღვანელმა გიორგი ვაშაძემ „ქართული ოცნების“ ლიდერების მიერ აგვისტოს ომსა და ჰააგის სასამართლოსთან დაკავშირებულ განცხადებებს

აშშ-ის ელჩის მოვალეობის შემსრულებელს გავაცანი ჩემი ოჯახის მიმართ მუქარა, ეს ჩემს ქალიშვილსაც ეხება, რომელიც ამერიკის მოქალაქეა - სალომე ზურაბიშვილი

16 ნოემბერი, 2018 , 15:40

პრეზიდენტობის დამოუკიდებელი კანდიდატი სალომე ზურაბიშვილი საქართველოში აშშ-ის ელჩის მოვალეობის შემსრულებელს, როს უილსონს შეხვდა. როგორც ზურაბიშვილმა შეხვედრის შემდეგ განაცხადა, მათ საარჩევნო გარემოს შესახებ ისაუბრეს. ამას

სასამართლოს მიერ ლევან მურუსიძის სარჩელის დაკმაყოფილება დეკლარაციების მონიტორინგის მექანიზმის საქმიანობას საფრთხეს უქმნის - IDFI

16 ნოემბერი, 2018 , 14:45

ინფორმაციის თავისუფლების განვითარების ინსტიტუტის (IDFI) კვლევის მიხედვით, თბილისის საქალაქო სასამართლოს გადაწყვეტილება დეკლარაციების მონიტორინგის მექანიზმის საქმიანობას საფრთხეს უქმნის. საუბარია თბილისის საქალაქო სასამარ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`