პოლიტიკა

ცესკომ პრეზიდენტობის კანდიდატობის 46 მსურველიდან 20-ს რეგისტრაციაზე უარი უთხრა, მათ შორის რეჟისორ გიორგი შენგელაიასაც

პრეზიდენტობის კანდიდატობის 46 მსურველიდან 20-ს ცესკომ რეგისტრაციაზე უარი უთხრა, კერძოდ - გია ჩხიკვაძეს, კობა ჯულაყიძეს, გიორგი გახოკიას, ნიკოლოზ ლეკიშვილს, დავით ამაშუკელს, თამაზ ბიბილურს, ბონდო ბარათაშვილს, ელისო დონაძეს, ვაჟა ჩხაიძეს, ზაქარია როჭიკაშვილს, ზაურ მეკოკიშვილს, გიორგი შენგელაიას, ბესიკ აფხაიძეს, ავთანდილ ფილაურს, იოსებ ბიბილეიშვილს, იაკობ გრიგორიევს, ნინო ჯიქიას, დენიზა სუმბაძეს, მაია ნინუასა და ივანე ნუგზარაშვილს.

ორი პირის- მიხეილ ანთაძისა და ოთარ მეუნარგიას საკითხი კი განიხილება.

უარის მიზეზი ყველა შემთხვევაში ის გახდა, რომ კანდიდატებმა მხარდამჭერთა სიები არ წარადგინეს.

აღსანიშნავია, რომ ცესკოს მონაცემებით, ყველა მათგანის კანდიდატურა საინიციატივო ჯგუფის მიერ იყო წარდგენილი.