უახლესი ამბები
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
ცესკოს მიმართ მედიის საშუალებით გავრცელდა მორიგი უსაფუძვლო ბრალდება სპეციალური სიის ფორმირებასთან დაკავშირებით - ანა მიქელაძე
ცესკოს მიმართ მედიის საშუალებით გავრცელდა მორიგი უსაფუძვლო ბრალდება სპეციალური სიის ფორმირებასთან დაკავშირებით, - განაცხადა დღეს გამართულ ბრიფინგზე ცესკოს პრესსპიკერმა ანა მიქელაძემ.
მისი თქმით, კანონმდებლობის თანახმად, მონაცემებს პირების შესახებ, რომელთა სამსახურებრივი მდგომარეობა მოითხოვს, რომ ისინი არჩევნების დღეს უნდა იმყოფებოდნენ რეგისტრაციის ადგილისგან განსხვავებულ მისამართზე, ადგენენ და გადასცემენ შესაბამისი უწყებები.
„საარჩევნო ადმინისტრაცია კი ვალდებულია უზრუნველყოს მათი კონსტიტუციური უფლება. სწორედ ამიტომ, საარჩევნო კოდექსის 32-ე მუხლის საფუძველზე, ისინი შედიან სპეციალურ სიაში, რომელსაც, არჩევნებამდე არაუგვიანეს მესამე დღისა, ანუ 25 ნოემბერს ადგენს შესაბამისი საოლქო საარჩევნო კომისია.
ასევე ცალსახად უნდა განვაცხადოთ, რომ ძირითად სიაში იმ ამომრჩევლების გასწვრივ, რომლებიც არიან სპეციალურ სიაში, კეთდება აღნიშვნა - „გადაყვანილია სპეციალურ სიაში“, რაც იმას ნიშნავს, რომ ამომრჩეველი მხოლოდ ერთხელ მისცემს ხმას. უნდა აღნიშნოს, რომ საპრეზიდენტო არჩევნების სპეციფიკიდან გამომდინარე, საქართველო წარმოადგენს ერთ საარჩევნო ოლქს და არჩევნების შედეგებზე გავლენას ვერ მოახდენს, სად მისცემს ამომრჩეველი ხმას“, - აცხადებს ცესკოს სპიკერი.
ცნობისთვის, გაერთიანებული ოპოზიციის ერთ-ერთმა ლიდერმა ლევან ბეჟაშვილმა დღეს გამართულ ბრიფინგზე განაცხადა, რომ სამგორის საარჩევნო ოლქში შექმნილია სპეციალური სიები, რომლებიც პირველ ტურთან შედარებით გაზრდილია 1329 პოლიციელითა და სამხედრო მოსამსახურით. მისივე თქმით, ცესკო ცდილობს სამგორის საარჩევნო ოლქი კონტროლირებადი ხმებით დააბალანსოს.