პოლიტიკა

ციფრების ჟონგლიორობასთან გვაქვს ადგილი, ამ ბიუჯეტს მხარს არ დავუჭერთ -ირაკლი ნადირაძე

საკრებულოს ფრაქცია "ნაციონალური მოძრაობის" თავმჯდომარემ ირაკლი ნადირაძემ გაერთიანებული კომისიების სხდომაზე დედაქალაქის ბიუჯეტზე საუბრისას განაცხადა, რომ ისინი მას მხარს არ დაუჭერენ.

მისი თქმით, 2018 წელს მთავრობამ ცენტრალური ბიუჯეტი ვერ აითვისა და ეს ნაშთი 2018 წლის თბილისის ბიუჯეტს ემატება, რაც ნადირაძის თქმით, "ციფრების ჟონგლიორობაა" და სინამდვლეში აღნიშნულ ნაშთს 2019 წლის ბიუჯეტში გადაიტანენ.

„ეს 170 მილიონი ლარი მოგივიდათ იმ მთავრობიდან, რომელმაც ამ სოციალური და ინფრასტრუქტურული პროექტების ფონზე ვერ აითვისა თანხები და ეს თანხა მოგცათ იმიტომ, რომ ფურცელზე ვიღაცამ თქვას, ბიუჯეტი ავითვისეთო. ამ თანხას სამ დღეში ვერ აითვისებთ, ჩანიშნავთ სხდომას და მომავალი წლის ბიუჯეტში გადაიტანთ. ციფრების ჟონგლიორობასთან გვაქვს ადგილი. ჩვენ ამ ბიუჯეტს, მხარს არ დავუჭერთ. პრიორიტეტები არასწორადაა გადანაწილებული", - განაცხადა ნადირაძემ.