უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
ციხეში ვიქნებით, ციხიდან ჩამოვშლით ამ სისტემას, ვიდგებით რუსთაველზე, რუსთაველიდან ჩამოვშლით - ზვიად კუპრავა ფიქრობს, რომ დააკავებენ
უფლებადამცველი ზვიად კუპრავას განცხადებით, მას გამოძიების ფარგლებში დააკავებენ. ამის შესახებ მან პროკურატურასთან გამართულ ბრიფინგზე ისაუბრა.
„მინდა, მივმართო გახარიას, რომელსაც თვითონ ნამდვილად არ მიუღია ეს გადაწყვეტილება, რომელიც მას ზემოდან დაავალეს და ნუ გვექნება ილუზია, რომ ბახტაძეა გახარიას ხელმძღვანელი. ზემოდან, ვგულისხმობ, ივანიშვილისგან, რომლისგანაც მან მართლა მიიღო ეს დავალება. ნუ ექნება ივანიშვილს ილუზია, რომ ჩემი ციხეში ან სადმე გამომწყვდევით ამ პროცესებს შეაჩერებს, ჩვენ სადაც არ უნდა ვიყოთ. ციხეში ვიქნებით, ციხიდან ჩამოვშლით ამ სისტემას, თქვენთან ეთერში ვიქნებით, ეთერიდან ჩამოვშლით, ვიდგებით რუსთაველზე, რუსთაველიდან ჩამოვშლით“, -განაცხადა კუპრავამ.
მან შსს-ის მიერ დაწყებული გამოძიება აბსურდული უწოდა.
„ის, რომ მსგავსი აბსურდული ბრალი წამიყენეს. შსს-სა და სახელმწიფოს ძალოვანი უწყებების კიდევ ერთი აღიარებაა, რომ მათ ჩვენთან წააგეს არაერთი ბრძოლა“, -თქვა კუპრავამ.
კუპრავამ ხორავას ქუჩაზე მოკლული დავით სარალიძის მამასთან, ზაზა სარალიძესთან და პანკისის ხეობაში ჩატარებული სპეცოპერაციის შედეგად დაღუპული თემირლან მაჩალიკაშვილის მამასთან, მალხაზ მაჩალიკაშვილთან ერთად ბრიფინგზე სამომავლო გეგმებზე ისაუბრა. კუპრავას თქმით, ბრძოლას სამართლიანობის აღსადგენად ისინი მაინც გააგრძელებენ.
სარალიძემ და მაჩალიკაშვილმა, თავის მხრივ, მოუწოდეს პრემიერსა და შს მინისტრს, შეწყვიტონ იმ მოქალაქეების დევნა, ვინც საკუთარი აზრის გამოსახატად აქციებს მართავენ. მათ განაცხადეს, რომ კუპრავას წინააღმდეგ სასამართლოს შეურაცხყოფის მუხლით აღძრული საქმე არის მცდელობა, რომ არ ჩატარდეს დაგეგმილი აქციები სუს-თან.
ცნობისთვის, თბილისის საქალაქო სასამართლოს სასადილოს ინციდენტზე, ზვიად კუპრავას მიერ სასამართლოს უპატივცემულობის ფაქტზე გამოძიება დაიწყო:
„2018 წლის 12 ივნისს თბილისის საქალაქო სასამართლოში განთავსებულ სასადილოში მომხდარ ინციდენტთან დაკავშირებით, 1983 წელს დაბადებული მოქალაქე ზ.კ.-ს მიერ სასამართლოს უპატივცემულობის ფაქტზე, შინაგან საქმეთა სამინისტრომ დაუყოვნებლივ დაიწყო გამოძიება, საქართველოს სისხლის სამართლის კოდექსის 366-ე მუხლით. მიმდინარეობს გამოძიება და ტარდება შესაბამისი საგამოძიებო მოქმედებები“, -წერია შსს-ის განცხადებაში.