არქივი
პოლიტიკა
თუ პრეზიდენტი განაგრძობს საქართველოს პარლამენტზე შეტევას, ყოველგვარ კომპრომისს აზრი ეკარგება - ირაკლი კობახიძე
საქართველოს პარლამენტის თავმჯდომარე ირაკლი კობახიძე არ გამორიცხავს, რომ პრეზიდენტის პირდაპირი არჩევნები 2018 წელს აღარ ჩატარდეს. მისი თქმით, მიზეზია პრეზიდენტის ქმედებები, რომელიც მიმართულია პარლამენტის წინააღმდეგ.
„არასწორი ნაბიჯები იდგმება ჩვენი ოპონენტების მხრიდან პრეზიდენტის თაოსნობით. ეს არის ძალიან სამწუხარო მოვლენა. პრეზიდენტი, რომელიც უნდა იყოს ზეპარტიული ფიგურა, პარტიებს ხვდება ადმინისტრაციის მეშვეობით, რომლის სტატუსი საერთოდ გაუგებარია, ასევე ხვდება ე.წ. ექსპერტებს და თანხმდება, თუ როგორ უნდა მიიტანოს შეტევა საქართველოს პარლამენტზე. თუ ეს პროცესები გაგრძელდება, ყოველგვარი აზრი დაეკარგება კომპრომისს და გადავალთ იმ სისტემაზე, რომელიც ყოველგვარი სისტემური თვალსაზრისით არის სწორი. მითუმეტეს, კონტრარგუმენტი ვერ მოვისმინეთ ამასთან დაკავშირებით ”, - განაცხადა კობახიძემ.
კობახიძე იმედოვნებს, რომ „კომპრომისს აზრი არ დაეკარგება“.
ანა მებურიშვილი