პოლიტიკა

თუ როგორ დაიწყო დამოუკიდებელმა ქალბატონმა კანდიდატმა კამპანია, ადასტურებს, რომ ის რუსულ პროპაგანდასა და კრემლზე მუშაობს - ანდრეი პიონტკოვსკი

ჰადსონის ინსტიტუტის მკვლევრის, ანდრეი პიონტკოვსკის შეფასებით, მმართველი გუნდის მიერ მხარდაჭერილი საპრეზიდენტო კანდიდატის, სალომე ზურაბიშვილის განცხადებები, რომ აგვისტოს ომი საქართველომ დაიწყო, ადასტურებს, რომ ის კრემლზე მუშაობს. ამის შესახებ ექსპერტმა რუსთავი 2-ს განუცხადა.

„მზადება და ომიც რუსეთის მხრიდან უკვე იმ დროისთვის წლების დაწყებული იყო. თუ როგორ დაიწყო დამოუკიდებელმა ქალბატონმა კანდიდატმა კამპანია, ადასტურებს, რომ ის რუსულ პროპაგანდასა და კრემლზე მუშაობს. ვადევნებ თვალს ქართულ კამპანიას და მან ეს პუნქტი მოხსნა, რადგან მიხვდა, თუ რამდენად არაპოპულარული და უარყოფილი იყო ქართული საზოგადოების მხრიდან. ვფიქრობ, მას არჩევის არანაირი შანსი არ აქვს, რადგან ეს დარტყმა იქნება საქართველოსთვის“,- განაცხადა პიონტკოვსკიმ.

ცნობისთვის, აშშ-ში „საერთაშორისო გამჭვირვალობის" ხელმძღვანელი ამერიკელ სპეციალისტებს ესაუბრა საპრეზიდენტო კანდიდატების დისკრედიტებისკენ მიმართულ ორგანიზებულ კამპანიაზე, ასევე სამოქალაქო სექტორის დისკრედიტაციის მცდელობაზე, მათ შორის პარლამენტის თავმჯდომარის მხრიდანაც.