უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
თუ ტრაპზონში დაშავებული საქართველოს მოქალაქეების სამედიცინო ხარჯების გადახდის საკითხი დადგება, კლინიკა გაწეულ ხარჯს მიაწოდებს ჩვენს საკონსულოს - აჭარის ჯანდაცვის მინისტრი
ტრაპიზონში ავარიის შედეგად დაშავებული საქართველოს მოქალაქეები აჭარის ჯანდაცვის მინისტრმა ზაალ მიქელაძემ მოინახულა. მისი ინფორმაციით, ერთი მამაკაცის მდგომარეობა სტაბილურად მძიმეა, ხოლო მის ცოლს სახის ძვლების ოპერაცია ჩაუტარდა.
„ერთ-ერთი მათგანი, მამაკაცი, რჩება სტაბილურად მძიმე მდგომარეობაში. ჩვენ ის მოვინახულეთ რეანიმაციულ განყოფილებაში, მაგრამ ის არის ე.წ. დაცვითი ნარკოზის ქვეშ, აქედან გამომდინარე დღეს საბოლოო დასკვნის გაკეთება მისი ჯანმრთელობის მდგომარეობასთან დაკავშირებით გვიჭირს. თუმცა, როგორც ვნახეთ, ის კვლევები, რომლებიც კლინიკაში ჩატარდა, მათ შორის მაღალტექნოლოგიური კვლევები, არ ადასტურებს თავის ტვინის დაზიანებას.ის რჩება რეანიმაციულ განყოფიელბაში.
ამ მამაკაცის მეუღლის, რომელსაც გუშინ ასევე ჩაუტარდა სახის ძვლების მოტეხილობის გამო რეკონსტრუქციული ოპერაციები, მდგომარეობა სტაბილურია და გადაყვანილია პალატაში. ასევე პალატაში გადმოყვანილია ქალბატონი, რომელსაც გუშინ ჩაუტარდა ტრავმის შედეგად დაზიანებული ელენთის ამოკვეთა. ის სტაბილურადაა“, - თქვა მიქელაძემ აჭარის საზოგადოებრივი მაუწყებლის ეთერში.
რაც შეეხება სამედიცინო ხარჯებს, აჭარის ჯანდაცვის მინისტრმა თქვა, რომ ამ თემაზე საუბარი არ დასრულებულა
„თუ გადახდის საკითხი დადგება, ეს არ იქნება პრობლემა. სტანდარტულ რეჟიმში კლინიკა გაწეულ ხარჯს მიაწოდებს ჩვენს საკონსულოს“, -თქვა მიქელაძემ და აღნიშნა, რომ ხშირად მკურნალობის ხარჯებს თურქული მხარე ფარავს.
მისივე განცხადებით, რეაბილიტაციის ხარჯებს აჭარის ჯანდაცვის სამინისტრო დაფარავს.
რაც შეეხება თურქეთში სამუშაოდ წასული საქართველოს მოქალაქეების დაზღვევას, მიქელაძემ თქვა, რომ ეს საკითხი გასავლელია ცენტრალურ ხელისუფლებასთან, ასევე თურქულ მხარესთან.
გუშინ გამთენიისას მიკროავტობუსი ქართული სანომრე ნიშნით ავარიაში მოჰყვა, რის შედეგად საქართველოს სამი მოქალაქე დაშავდა.
ავტომანქანას საქართველოს 21 მოქალაქე, სეზონზე დროებით მომუშავე მუშები გადაჰყავდა. გაირკვა, რომ არცერთ მათგანს სამედიცინო დაზღვევა არ ჰქონდა.
ერთ-ერთი ვერსიით, მძღოლს საჭესთან ჩაეძინა, თუმცა სხვა ვარაუდით, ის ტელეფონით საუბრობდა, რა დროსაც საჭის დამორჩილება ვერ მოახერხა. ერთ-ერთმა დაშავებულმა მოქალაქემ აჭარის ტელევიზიასთან ორივე ვერსია უარყო.