უკან

უახლესი ამბები

დღის კალენდარი

ანონსები

არქივი

პოლიტიკა

22 აგვისტო, 2018 12:40
font-size

თურქული ბიზნესის დევნაში ბრალი მიუძღვის პირადად ბიძინა ივანიშვილს და მის მარიონეტებს - რომან გოცირიძე

საპარლამენტო უმცირესობის წევრი „ნაციონალური მოძრაობიდან“, რომან გოცირიძე ბიძინა ივანიშვილს თურქული ბიზნესის დევნაში ადანაშაულებს.

„საქართველოს მთავრობამ მორიგი მავნებლობა ჩაიდინა. ბათუმში სკოლა-ლიცეუმის და თბილისში დემირელის კოლეჯის დახურვის შემდეგ დაიწყო საქართველოში ერთ-ერთი ყველაზე წარმატებული უმაღლესი სასწავლებლის, შავი ზღვის საერთაშორისო უნივერსიტეტის მცოცავი განადგურება. ავტორიზაციის საბჭომ უკანონოდ აუკრძალა მიმდინარე წელს სტუდენტების მიღება( 800 სტუდენტი უნდა ჩარიცხულიყო). ბათუმის სკოლისა და დემირელის კოლეჯის დახურვის შემდეგ ჯერი უკვე ამ უმაღლეს სასწავლებელზე მიდგა. მასში არის ჩადებული ყველაზე დიდი უცხოური ინვესტიცია განათლების სფეროში, დამოუკიდებელი საქართველოს ისტორიაში. ფაქტობრივად,

დახურვის მიზეზად იყენებენ საგადასახადო სამსახურის მიერ სპეციალურად ამ მიზნით უკანონოდ დარიცხულ მცირეოდენ გადასახადს, რომელმაც 700 ათას ლარს მიაღწია ჯარიმების გამო და რომელიც გასაჩივრებულია სასამართლოში. თანხის ეს მოცულობა წვრილმანია ამ მასშტაბის უნივერსიტეტისათვის და მხოლოდ საბაბად არის გამოყენებული.

თურქული ბიზნესის დევნაში ბრალი მიუძღვის პირადად ბიძინა ივანიშვილს და მის მარიონეტებს:

ყოფილ პრემიერ-მინისტრ კვირიკაშვილს, ფინანანსთა ყოფილ მინისტრ ხადურს, ახლა უკვე გაპრემიერებულ ბახტაძეს, ყოფილ ეკონომიკის მინისტრ ქუმსიშვილს, ყოფილ განათლების მინისტრ ჯეჯელავას და მორიგ ბუტაფორიას დღევანდელ მინისტრს (გვარი არ მახსოვს), სუსს რა თქმა უნდა, ფინანსურ პოლიციას, საგადასახადო სამსახურს. ეს ყველაფერი კეთდებოდა ღირსებისაგან დაცლილი განათლების ხარისხის განვითარების ცენტრის ხელმძღვანელი ქალბატონის, სანიკიძის ხელით და ასევე ავტორიზაციის საბჭოს უღირსი წევრების მიერ.

ამ სასწავლელების განადგურების წინააღმდეგ არაფერი იღონა (უფრო ხელს უწყობდა) მაშინდელმა ბიზნესომბუდსმენმა და დღევანდელმა შინაგან საქმეთა მინისტრმა გახარიამ და ორმა დღევანდელმა კარიერისტმა პიროვნებამ, დღევანდელმა ბიზნესომბუდსმენმა და მისმა მოადგილემ, რომლებიც წლების განმავლობაში მუშაობდნენ ამ უნივერსიტეტში და ყველა ნიუანსი იცოდნენ ზედმიწევნით. სასამართლო სისტემაც ჩართულია მათ დევნაში(მათგან სხვა რამ არც არის მოსალოდნელი). დადგება დრო, ყველა ესენი აღმოჩნდებიან საბრალდებო სკამზე. არაფერია ამ ცხოვრებაში მუდმივი.

ვარ რა ამ უნივერსიტეტის პროფესორი( ისევე როგორც სხვადასხვა დროს ლამის ნახევარი მთავრობა იყო თვით დიდი სოზარ სუბარის ჩათვლით), ვიცი ყველა წვრილმანი და ყველა დანაშაული თუ თაღლითური მცდელობები მის ჩალის ფასად ხელში ჩასაგდებად. მთავრობის დახმარებით ჯერ ეს მოინდომა ბეჟუაშვილმა, ახლა ამას აკეთებს საქართველოს ბანკს ახლახან გამოყოფილი გილაური.

ამდენი ზეწოლის შემდეგ უნივერსიტეტის მესაკუთრეებმა გადაწყვიტეს მისი გაყიდვა (დაემორჩილნენ მთავრობის შანტაჟს), გამოჩნდა სერიოზული ბრიტანული კომპანია, რომელიც განათლების სფეროში მუშაობს. თითქმის ერთი წელია საქართველოს არც წინა და არც ეს მთავრობა არ აძლევს მესაკუთრეებს მისი უცხოელებზე გაყიდვის უფლებას და აიძულებენ მესამედ ფასში მიჰყიდონ საქართველოს ბანკის განაყოფებს.

ყველაფრის საქმის კურსში არიან საელჩოები და მეგობარი სახელმწიფოები. უცხოელების მიერ არაერთგზის გაფრთხილებულია საქართველოს პრეზიდენტი, რომელმაც არაფერი იღონა მათ დასაცავად.

ამ სასწავლებლების დახურვა არის თურქეთის მთავრობის მოთხოვნა.

ითვალისწინებს რა ჩვენს მეზობელ და სტრატეგიულ პარტნიორ ქვეყნასთან არსებულ მჭიდრო და მეგობრულ ურთიერთობას, ამ საკითხთან დაკავშირებით ძალიან ფაქიზი დამოკიდებულება აქვს პოლიტიკურ პარტიებს, არასამთავრობო სექტორს, ექსპერტებს, მაგრამ დღეს, როცა ხელისუფლებამ ყველა წითელი ხაზი გადაკვეთა და აშკარა ძალადობის გზას დაადგა, მხოლოდ ამ პრობლემის გასაჯაროებითა და საზოგადოების ჩართულობით თუ იქნება შესაძლებელი ამ უკანონობის აღკვეთა.

ხელისუფლება პირველ რიგში უნდა იყოს ქვეყნის კონსტიტუციის და კანონის უზენაესობის დამცველი და ჩვენ, საზოგადოებამ უნდა ვაიძულთ, რომ მან ეს გააკეთოს“, - წერს რომან გოცირიძე სოციალურ ქსელში.

რუსეთის მოწოდება სხვა ქვეყნებისადმი, შეასრულონ ღია ცის ხელშეკრულების დებულებები პოლიტიზების გარეშე, სხვა არაფერია, თუ არა ცინიკური განცხადება - საქართველოს საგარეო უწყება

27 მაისი, 2020 , 14:37

წლების განმავლობაში, რუსეთი სისტემატურად არღვევს ღის ცის ხელშეკრულების დებულებებს და ახდენს მის პოლიტიზებას, – ამის შესახებ საქართველოს საგარეო საქმეთა სამინისტროს კომენტარშია ნათქვამი, რომლითაც უწყება რუსეთის საგა

მივმართავთ საერთაშორისო თანამეგობრობას, არ დაუშვან ლუგარის ცენტრის წარმატებული ფუნქციონირების ეჭვქვეშ დაყენება - საგარეო უწყება

27 მაისი, 2020 , 14:15

მიუხედავად იმისა, რომ რუსეთთან არანაირი ორმხრივი იურიდიული ვალდებულება ამ საკითხზე არ გააჩნია, საქართველო, გამოთქვამს მზადყოფნას, უმასპინძლოს მორიგ ვარჯიშს/ვიზიტს ბიოლოგიური იარაღის აკრძალვის კონვენციის ფარგლებში, მათ შო

ალეკო ელისაშვილი პოლიტიკურ პარტიას ქმნის

26 მაისი, 2020 , 20:07

ალეკო ელისაშვილი პოლიტიკური პარტიის შექმნას აანონსებს. საკუთარი გეგმების შესახებ მან "ფეისბუქის" პირად გვერდზე გავრცელებულ ვიდეო მიმართვაში განაცხადა. მისი თქმით, პარტია, რომელსაც ქმნის, პარტიულ ინტერესებზე წინ დააყენებს

„წულუკიანის გარანტირებული დაბინავება მომდევნო 10 წლით საკონსტიტუციოს თავმჯდომარეობა იქნება“

26 მაისი, 2020 , 17:13

საქართველოს იუსტიციის მინისტრის თეა წულუკიანი, შესაძლოა, ქვეყნის საკონსტიტუციო სასამართლოს თავმჯდომარე გახდეს. საკონსტიტუციო სასამართლოს მოქმედ თავმჯდომარეს ზაზა თავაძეს უფლებამოსილების ვადა 15 ივნისს ეწურება. თეა წულუკი

საქართველოს წარმატება შეუძლებელი იქნებოდა საქართველოს მეგობარი ქვეყნების ფასდაუდებელი დახმარებისა და მეგზურობის გარეშე - ზალკალიანი საქართველოში აკრედიტებულ დიპლომატებს მიმართავს

26 მაისი, 2020 , 15:00

დამოუკიდებლობის დღესთან დაკავშირებით, საგარეო საქმეთა მინისტრი დავით ზალკალიანი საქართველოში აკრედიტებულ დიპლომატიურ კორპუსს წერილით მიმართავს. მისი თქმით, უცხოელი დიპლომატები დამოუკიდებლობის დღის აღსანიშნავ ღონისძიებებშ

პირველად კაცობრიობის ისტორიაში, მსოფლიო გაჩერდა და იძულებული გავხდით, დავფიქრებულიყავით - სალომე ზურაბიშვილი

26 მაისი, 2020 , 12:22

პირველად კაცობრიობის ისტორიაში, მსოფლიო გაჩერდა და იძულებული გავხდით, დავფიქრებულიყავით, როგორი იქნება მსოფლიო ამ გაჩერების შემდეგ და ჩვენ რა ადგილს დავიკავებთ ახალ მსოფლიოში, - ამის შესახებ საქართველოს პრეზიდენტმა სალომ