უახლესი ამბები
- 17.04.2024 15:51სხვადასხვა ოლიგარქებზე გაფორმებული მთელი რუსული შავი სალარო შესაძლოა ვიხილოთ საქართველოში - გია ხუხაშვილი `ოცნების` ახალ კანონპროექტზე
- 17.04.2024 15:40პარლამენტმა, პირველი მოსმენით, 82 ხმით მხარი დაუჭირა “საგადასახადო კოდექსში“ ცვლილებებს
- 17.04.2024 14:54ამ პირობებში პარლამენტში ყოფნას ჩემთვის არც პოლიტიკური აზრი და არც მორალური გამართლება გააჩნია - გრიგოლ ვაშაძე
არქივი
პოლიტიკა
თვითმმართველობისა და საარჩევნო კოდექსებში განხორციელებული ცვლილებები აუარესებს დემოკრატიის მდგომარეობას ქვეყანაში - ანა დოლიძე
საქართველოს პრეზიდენტის საპარლამენტო მდივნის, ანა დოლიძის განცხადებით, შვიდი თვითმმართველი ქალაქისათვის თვითმმართველობის სტატუსის ჩამორთმევა და ცესკო-ში საარჩევნო კომისიის დაკომპლექტების წესის ცვლილება, „რომელიც უპირატესობას ანიჭებს მმართველ პარტიას“, აუარესებს დემოკრატიის ხარისხს ქვეყანაში.
დოლიძის თქმით, პრეზიდენტის მიერ თვითმმართველობისა და საარჩევნო კოდექსებში განხორციელებულ ცვლილებებზე დადებული ვეტოები დაეხმარება პარლამენტს, გაიაზროს ამ ცვლილებების ნეგატიური ზემოქმედება.
„ჩვენი აზრით, ორივე ცვლილებას ერთი მთავარი ხაზი გასდევს, ეს აუარესებს დემოკრატიის მდგომარეობას ქვეყანაში და წარმოადგენს უკან შემოტრიალებას თავად „ოცნების“ მიღწევებს, რომელიც მან გასულ წელს განახორციელა. ჩვენთვის მნიშვნელოვანია, რომ ყველამ გაიაზროს ის ნეგატიური მნიშვნელობა, რომელიც ამ ცვლილებებს მოაქვს. ვეტოს არსი არის ის, რომ ეს ყველაფერი დასაბუთებით ავუხსნათ პარლამენტის წევრებს და მივცეთ საშუალება, კიდევ ერთხელ დაფიქრდნენ ამ ცვლილებებზე“, -განაცხადა დოლიძემ.
შეგახსენებთ, ზემოთ აღნიშნული ორი კანონპროექტი პრეზიდენტმა პარლამენტს მოტივირებული შენიშვნებით დაუბრუნა. პარლამენტის თავმჯდომარემ ირაკლი კობახიძემ კი დღევანდელ ბიუროს სხდომაზე მიმართა გიორგი მარგველაშვილს, რომ 26 ივლისს გაიმართოს პარლამენტის რიგგარეშე სხდომა.
ანა მებურიშვილი