უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
უვიზო მიმოსვლით აფხაზი და ოსი მოქალაქეებიც ისარგებლებენ - ქეთევან ციხელაშვილი
საქართველოს სახელმწიფო მინისტრმა შერიგებისა და სახელმწიფო თანასწორობის საკითხებში ქეთევან ციხელაშვილმა განაცხადა, რომ ევროკავშირთან უვიზო მიმოსვლის შემთხვევაში, ამ შესაძლებლობით ისარგებლებენ აფხაზი და ოსი მოქალაქეები.
ამის შესახებ ციხელაშვილმა მთავრობის სხდომის დასრულების შემდეგ ისაუბრა.
„უვიზო გადაადგილების შესაძლებლობა არის ერთ-ერთი ყველაზე კონკრეტული სარგებელი, რომლითაც შეძლებს თითოეული საქართველოს მოქალაქე, რომ ისარგებლოს. და, რა თქმა უნდა, ჩვენი ამოცანა არის, რომ ამოქმედებისთანავე მაქსიმალურად მარტივად, რის შესაძლებლობას პროცედურები იძლევა, ეს სარგებელი ხელმისაწვდომი გავხადოთ აფხაზებისა და ოსებისათვის. ეს არა მხოლოდ მოგზაურობის შესაძლებლობას ქმნის, არამედ ძალიან ბევრ სხვა თანამდევ სარგებელსაც“, - განაცხადა ციხელაშვილმა.
შეგახსენებთ, რომ ამჟამად ევროპარლამენტი განიხილავს საქართველოსთვის სავიზო რეჟიმის გაუქმების საკითხს.
მომხსენებელი დეპუტატი მარია გაბრიელია.
14-დან 16 საათამდე ბრიუსელში კენჭისყრა გაიმართება ვიზალიბერალიზაციის საკითხზე.
ანა მებურიშვილი