მსოფლიო

ზამთრის ოლიმპიადის დაწყებამდე ერთი დღით ადრე ჩრდილოეთ კორეამ სამხედრო აღლუმი გამართა

სამხრეთ კორეაში ზამთრის ოლიმპიადის დაწყებამდე ერთი დღით ადრე ჩრდილოეთ კორეამ სამხედრო აღლუმი გამართა ქვეყნის ლიდერის, კიმ ჩენ ინის ხელმძღვანელობით. ღონისძიებაზე აღნიშნეს კორეის სახალხო ჯარის შექმნის 70 წლისთავი.

აღლუმი ძირითადად აპრილის თვეში იმართება და ბოლო 40 წლის განმავლობაში პირველად, ღონისძიება თებერვალში გადმოიტანეს.

აღლუმის გადმოტანა ოლიმპიადის წინ სამხრეთ კორეასთან ურთიერთობების ნორმალიზების კუთხით უკან დახევად ჩათვალეს.

მიუხედავად ამისა, სეულმა განაცხადა, რომ სამხრეთ კორეის პრეზიდენტი შაბათს შეხვდება ჩრდილოეთ კორეულ ოლიმპიურ დელეგაციას.

2018 წლის ზამთრის ოლიმპიური თამაშები სამხრეთ კორეის ქალაქ ფხენჩხანში 9-დან 25 თებერვლამდე გაიმართება.