პოლიტიკა

ზაზა სარალიძე დღეს 14:00 საათზე პრემიერთან შეხვედრას გეგმავს

ხორავას ქუჩაზე მოკლული დავით სარალიძის მამამ, ზაზა სარალიძემ განაცხადა, რომ 14:00 საათისთვის საქართველოს პრემიერ-მინისტრთან, გიორგი კვირიკაშვილთან შეხვედრას აპირებს.

„4 ივნისს, 14:00 საათზე მივდივარ პრემიერ-მინისტრთან შესახვედრად. ყველა პოლიტიკოსთან, საზოგადოებრივ მოღვაწესთან და ელიტის წარმომადგენელთან ერთად. დანარჩენ დეტალებს ჩემი მეგობრები გაგაცნობენ. ბოდიშს გიხდით, მეუღლე მართლა ძალიან ცუდად მყავს. ძალიან დიდ ბოდიშს გიხდით. უნდა დავბრუნდე სახლში“, – განაცხადა სარალიძემ გუშინდელ აქციაზე, რომელიც თბილისის პარლამენტთან გაიმართა.

გარდა ამისა, „ახალი საქართველოს“ ლიდერმა, გიორგი ვაშაძემ განმარტა, რომ ეს შეხვედა პრემიერთან შეთანხმებული არაა, თუმცა იმედი გამოთქვა, რომ მოლაპარაკებები შედგება.

ხუთშაბათიდან მოყოლებული ზაზა სარალიძე მხარდამჭერებთან ერთად აქციას მართავს სახელწოდებით #ნუმომკლავ. ის მოითხოვს თავისი შვილის მკვლელების დასჯას, ასევე პრემიერ-მინისტრისა და სრულიად მთავრობის გადადგომას.