პოლიტიკა

ზაზა სარალიძემ თბილისისა და გორის პროკურატურებს მიმართა

ხორავას ქუჩაზე მოკლული დავით სარალიძის მამამ, ზაზა სარალიძემ თბილისისა და გორის პროკურატურებს მიმართა და კონკრეტულ კითხვებზე პასუხი მოსთხოვა.

„მივმართავ თბილისის ვითომ პროკურატურას!

სასწრაფოდ გაასაჯაროვოს ჩემ მიერ კაკუბავას წინააღმდეგ შეტანილი განაცხადის პასუხი, თუ რა სამართლებრივი ფორმა მისცეს.

მივმართავ ასევე გორის პროკურატურას!

სასწრაფოდ მოახდინოს რეაგირება გორის მერის თანაშემწის, კახაბერ ბლიაძის გასაჯაროვებულ სიტყვებზე.

არც ზაზა სარალიძეა ანგელოზი და არც მისი ცხონებული შვილი იყო ანგელოზი.

ნუ დაგვავიწყდება, საიდან დაიწყო ეს ინციდენტი.

გამოდის რომ ინციდენტის შესახებ იცის ამ ადამიანმა და საქმის კურსშია, რა მოხდა იმ დაწყევლილ დღეს.

გორის პროკურატურიდან ველი ამ პოროვნების მიერ ნათქვამი სიტყვების სამართლებრივ შეფასებას“, -დაწერა სარალიძემ.