პოლიტიკა

ზურაბ ტყემალაძე პოლიტიკიდან მიდის

პარტია “გოგი თოფაძე-მრეწველების” ერთ-ერთი ლიდერი ზურაბ ტყემალაძე აქტიური პოლიტიკიდან მიდის.

ამის შესახებ ტყემალაძემ პრესკონფერენციაზე განაცხადა.

მისი თქმით, „მრეწველები“ ახალი ძალებით დაკომქპლექტება.

„ცხოვრებიდან და პოლიტიკიდან მთლიანად გაქრობას არ ვაპირებ, მაგრამ აქტიური პოლიტიკის გადაბარება მოხდება ახალგაზრდებზე. მე ვფიქრობ თავმჯდომარის პოსტიდან გადადგომაზეც. მე აქტიური პოლიტიკიდან მივდივარ და ასპარეზს ახალ თაობას ვუთმობ“,-განაცხადა ტყემალაძემ.

მისი თქმით, მომავალ თვეს გაიმართება პარტიის ყრილობა და კონკრეტულად იქ გადაწყდება ყველაფერი.

„ჩვენი პარტია აქტიურ პოლიტიკურ ცხოვრებას გააგრძელებს ახალი ძალებით და ახალგაზრდებით, რისი რესურსიც აუცილებლად გამოიძებნება.”მრეწველები” არ გაქრებიან, ”მრეწველები” იქნებიან. ვიმედოვნებ, რომ ახალგაზრდები წამყვან პოზიციებს დაიკავებენ “, – აღნიშნა ზურაბ ტყემალაძემ.

მონიკა დავლიანიძე