პოლიტიკა

ზვიად კუპრავა ტატუნაშვილის საქმეზე სუს-ში დაიბარეს

„სამართალდამცველთა რეფორმირების ცენტრის“ დამფუძნებელი, ზვიად კუპრავა სუს-ში დაიბარეს. ამის შესახებ მან ფეისბუკის საკუთარ გვერდზე დაწერა.

„მივდივარ სუს-ში არა მოდულის შენობაში, არამედ ჩიტაძის ქუჩაზე, პარლიამენტის გვერდით“, - დაწერა კუპრავამ.

„სამართალდამცველთა რეფორმირების ცენტრის“ ხელმძღვანელს ოკუპირებული ცხინვალის რეგიონში დაღუპულ არჩილ ტატუნაშვილთან დაკავშირებით დაკითხავენ, კერძოდ, ის მიაწვდის უწყებას მსჯავრდებულისგან მიღებულ ინფორმაციას, რომელიც ეხება ახალგორის დე-ფაქტო გამგებლის ფილიპ ხაჩიროვის მონაწილეობას ტატუნაშვილის მკვლელობაში.