მსოფლიო

გიორგი კვირიკაშვილმა აზერბაიჯანელ კოლეგას თანამდებობაზე დანიშვნა მიულოცა

საქართველოს პრემიერ-მინისტრმა გიორგი კვირიკაშვილმა ნოვრუზ მამედოვს აზერბაიჯანის პრემიერ-მინისტრის თანამდებობაზე დანიშვნა მიულოცა.

„საუკეთესო სურვილებით ვულოცავ ნოვრუზ მამედოვს – აზერბაიჯანის ახლად დანიშნულ პრემიერ-მინისტრს. ველი მასთან თანამშრომლობას, რათა კიდევ უფრო გავაღრმაოთ და გავაძლიეროთ ჩვენი ქვეყნების სტრატეგიული პარტნიორობა და მეგობრული ურთიერთობა ჩვენს ერებს შორის“, – აღნიშნულია გიორგი კვირიკაშვილის მილოცვაში, რომელიც მან სოციალურ ქსელ „ტვიტერში“ გამოაქვეყნა.

აზერბაიჯანის პარლამენტმა ქვეყნის პრემიერ-მინისტრის თანამდებობაზე ნოვრუზ მამედოვი დღეს დაამტკიცა. ის აქამდე საგარეო საკითხებში პრეზიდენტ ილჰამ ალიევის თანაშემწე იყო.