მსოფლიო

ტორონტოში სატვირთოს შეჯახების შედეგად 10 ადამიანი დაიღუპა, 15 კი დაშავდა

კანადაში, ქალაქ ტორონტოში სატვირთო მანქანის შეჯახების შედეგად დაიღუპა 10 ადამიანი, ხოლო 15 დაშავდა.

პოლიციის ინფორმაციით, მძღოლი განზრახ გადავიდა ტროტუარზე ტორონტოს ერთ-ერთ ხალხმრავალ ქუჩაზე, სადაც ფეხით მოსიარულეებს ეჯახებოდა.

ტორონტოს პოლიციის უფროსის, მარკ საუნდერსის თქმით, თავდასხმელი დაკავებულია და იდენტიფიცირებული. ის 25 წლის ალეკ მინასიანი აღმოჩნდა, თუმცა ჯერჯერობით უცნობია მისი ქმედების მოტივები.

მიუხედავად იმისა, რომ თავდასხმა ჰგავს „ისლამური სახელმწიფოს“ მიმდევრების მიერ მანქანებისა თუ სატვირთოების მეშვეობით განხორციელებულ ტერაქტებს აშშ-სა და ევროპაში, ფედერალური უწყებების თქმით, ეს ინციდენტი ეროვნული უსაფრთხოებისთვის დიდ საფრთხეს არ წარმოადგენს.

თავდასხმას გამოეხმაურა კანადის პრემიერ-მინისტრი ჯასტინ ტრუდომ, რომელმაც მას „ტრაგიკული და უსულგულო“ უწოდა.