მსოფლიო

ისრაელში ძლიერი წყალდიდობის შედეგად 10 მოზარდი დაიღუპა

ისრაელში, მკვდარი ზღვის სამხრეთით მომხდარი წყალდიდობის შედეგად დაღუპულთა რიცხვი 10-მდე გაიზარდა. მოვარდნილმა ნიაღვარმა მოზარდი მოლაშქრეების ჯგუფს დაარტყა.

10-ვე დაღუპული 18 წლის იყო, ისინი წინასაჯარისო მოსამზადებელ პროგრამაში მონაწილეობდნენ.

პროგრამის დირექტორი მომხდარის გამო დააკავეს, გულგრილობით გამოწვეული არაგანზრახ მკვლელობის ბრალდებით.

გარდა ამისა, აინ ტამარის მახლობლად ამობრუნებული სატვირთო მანქანა აღმოაჩინეს მძღოლის გარეშე. მისი სამძებრო სამუშაოები ამ დრომდე მიმდინარეობს.

ისრაელის სამხრეთში ძლიერი წვიმა გუშინ დღის მეორე ნახევარში დაიწყო, რამაც წყალდიდობა გამოიწვია.