კომენტარი

გამოცდების გაუქმების საკითხზე ყველას აქვს თავისი შეხედულება და ეს ჯანსაღი პროცესია - მიხეილ ბატიაშვილი

გამოცდების გაუქმების საკითხზე ყველას აქვს თავისი შეხედულება და ეს ჯანსაღი პროცესია, - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა, „ევროპული საქართველოს“ მიერ ეროვნული გამოცდების სავალდებულო საგანთა ნუსხაში ზოგადი უნარების გამოცდის დაბრუნების ინიციატივის კომენტირებისას განაცხადა.

„მთავარია, ჩვენ ნაბიჯების გადადგმა დავიწყეთ. დღევანდელ დღესაც დავანახეთ ნაბიჯები, ის რეფორმები, რომელიც ყველა მიმართულებით განხორციელდება. ეს არის სკოლამდელი განათლება, სკოლა, უმაღლესი განათლება, მეცნიერება. ძალიან კარგია, რომ ბევრი ადამიანი დაინტერესდა. ბევრი ახლა დაინტერესდა, რაც ძალიან სამწუხაროა. ვფიქრობთ, ერთობლივად, როგორც პოლიტიკური ძალებთან, ისე ექსპერტებთან, საერთაშორისო საზოგადოებასთან – ყველა მხარესთან ვითანამშრომლებთ და როგორც ვთქვით, აქ ერთადერთი მიზანი გვაქვს, რომ საქართველოში ამ რეფორმებით მაღალი ხარისხის განათლება მივიღოთ”, - აღნიშნა მინისტრმა.