დიდი ბრიტანეთის მეფე ჩარლზ III და დედოფალი კამილა აშშ-ში ჩავიდნენ

დიდი ბრიტანეთის მეფე ჩარლზ III და დედოფალი კამილა აშშ-ში ჩავიდნენ. ეს არის ბრიტანელი მონარქის პირველი ვიზიტი 2007 წლის შემდეგ.

ინფორმაციას Sky News ავრცელებს.

მეფე და დედოფალი ვაშინგტონის მახლობლად მდებარე ავიაბაზაზე ჩაფრინდნენ.

სამეფო ოჯახი გაემართა თეთრი სახლში, სადაც მათ აშშ-ის პრეზიდენტი დონალდ ტრამპი და პირველი ლედი მელანია ტრამპი დახვდნენ. შეხვედრის ამსახველი ფოტოები მედიაში ვრცელდება. 

ეს არის ჩარლზ III -ს პირველი სახელმწიფო ვიზიტი აშშ-ში მონარქის რანგში და ბრიტანელი მონარქის პირველი ასეთი ვიზიტი 2007 წლის შემდეგ.

როგორც ცნობილია, ბრიტანეთის მთავრობა მჭიდროდ თანამშრომლობდა აშშ-ის უსაფრთხოების სამსახურებთან ვიზიტის ორგანიზებისას, განსაკუთრებით ვაშინგტონის სასტუმროში მომხდარი სროლის ინციდენტის ფონზე.

დონალდ ტრამპმა განაცხადა, რომ მეფე ვიზიტის განმავლობაში „სრულიად უსაფრთხოდ იქნება“.

ვიზიტის ფარგლებში გაერთიანებული სამეფოს მეფე ჩარლზ III აშშ-ის კონგრესში სიტყვით გამოვა.