საზოგადოება
2018 წელს ბიზნესომბუდსმენის აპარატმა 316 საქმე განიხილა - ირკალი ლექვინაძე
საქართველოს ბიზნესომბუდსენმა ირაკლი ლექვინაძემ ბიზნესომბუდსმენის აპარატის 2018 წლის საქმიანობის შესახებ ანგარიში წარადგინა.
პრეზენტაციაზე ირაკლი ლექვინაძემ სტუმრებს ბიზნესომბუდსმენის აპრატის მიერ 2018 წელს განხორციელებული პროექტებისა და 2019 წელს დაგეგმილი ინიციატივების შესახებ მიაწოდა ინფორმაცია.
„2018 წელს ბიზნესის წარმომადგენლებთან 1000-ზე მეტი შეხვედრა გაიმართა, რომელთა შორის უმრავლესობა კომპანიების ინდივიდუალურ საქმეებს ეხებოდა. 40-მდე შეხვედრა გაიმართა სხვადასხვა სექტორულ ბიზნესასოციაციასთან, ორჯერ მოვიარეთ საქართველოს რეგიონები და შევხვდით ადგილობრივ ბიზნესმენებს ყველა დიდ ქალაქში. ვიმუშავეთ 316 საქმეზე და მოვახერხეთ, რომ დასრულებული საქმეების 65% ბიზნესომბუდსმენის შუამდგომლობებითა და რეკომენდაციებით მეწარმის სასარგებლოდ სრულად ან ნაწილობრივ გადაწყვეტილიყო,“ - განაცხადა ორაკლი ლექვინაძემ
ბიზნესომბუდსმენის 2018 წლის საქმიანობის ანგარიშის პრეზენტაციის ღონისძიებას პრემიერ-მინისტრი მამუკა ბახტაძე, IFC-ის რეგიონული მენეჯერი სამხრეთ კავკასიაში იან ვან ბილსენი, მინისტრთა კაბინეტის წევრები, კერძო სექტორის, ბიზნეს ასოციაციების, ეკონომიკური გაერთიანებების, სავაჭრო-სამრეწველო პალატების, აღმასრულებელი და საკანონმდებელო ხელისუფლების, დონორი და საერთაშორისო ორგანიზაციების წარმომადგენლები და ექსპერტები ესწრებოდნენ.