საზოგადოება
2019 წელს იძულებით გადაადგილებულ პირთათვის იგეგმება 16 საცხოვრებელი სახლის მშენებლობის დასრულება სხვადასხვა რეგიონში
იძულებით გადაადგილებულ პირთა საცხოვრებლით უზრუნველყოფა არის ახალი ფუნქცია, რომელიც ჩვენმა სამინისტრომ 2018 წელს შეიძინა. შეგახსენებთ, რომ ჩვენ ვახორციელებთ მხოლოდ ახალი საცხოვრებელი სახლების მშენებლობას. ჩვენ ნაწილში, მშენებლობის თვალსაზრისით 2018 წელს ვასრულებდით იმ პროექტებს, რომლებიც დევნილთა სამინისტროს დაწყებული იყო-განაცხადა მაია ცქიტიშვილმა პარლამენტში მიმისტრის საათზე გამოსვლისას.
მისი თქმით, 2019 წელს იგეგმება 16 საცხოვრებელი სახლის მშენებლობის დასრულება ზუგდიდში, ქუთაისში, წყალტუბოსა და მცხეთაში. 1520 ოჯახი მიიღებს ამ სახლებში ბინებს, ხოლო 2019 წელს იწყება 13 საცხოვრებელი სახლის მშენებლობა და დამატებით 1260 ოჯახი მიიღებს ბინებს ახალ აშენებულ სახლებში.
,,ამ მიმართულებითაც მინდა ვთქვა, რომ შევცვალეთ მიდგომა ზოგადად კომპანიების ჩართულობასთან დაკავშირებით, გავმართეთ რამდენიმე ღია კარის დღე და შედეგად ამ მშენებლობის პროცესში შემოვიდნენ სამშენებლო დეველოპერული კომპანიებიც, მათ შორის, ისინიც, რომლებიც აქამდე არ იღებდნენ მონაწილეობას დევნილთა სახლების მშენებლობაში, რაც გვაძლევს იმის იმედს, რომ ეს პროექტები, გაცილებით სწრაფად და ხარისხიანად წარიმართება“, - განაცხადა მაია ცქიტიშვილმა.