კომენტარი

2020 წლისთვის პროპორციულ სისტემაზე გადასვლა ოპოზიციის არასათანადო მზადყოფნის გამო გახდა შეუძლებელი-ირაკლი კობახიძე

საქართველოს პარლამენტის თავმჯდომარე საკონსტიტუციო ცვლილებებთან დაკავშირებით ვენეციის კომისიის დადებით დასკვნას ელოდება.

მისი თქმით, საკონსტიტუციო ცვლილებებზე მომუშავე ჯგუფმა ვენეციის კომისიის 20-მდე რეკომენდაცია გაითვალისწინა.

„ჩვენი მოლოდინი არის პოზიტიური, გამოდმინარე იქიდან, რომ ჩვენ პროექტთან დაკავშირებით უკვე გვაქვს მიღებული წინა დასკვნა, სადაც იყო ასახული 20-ზე მეტი რეკომენდაცია, რომლებიც ჩვენ გავითვალისწინეთ“,-აღნიშნა პარლამენტის თავმჯდომარემ. რაც შეეხება 2020 წლისთვის პროპორციულ სისტემაზე გადასვლას, ირკალი კობახიძის თქმით, ეს შეუძლებელი გახდა ოპოზიციის არასათანადო მზადყოფნის გამო.

„ეს შეუძლებელი გახდა კონკრეტული გარემოებების გამო. მთავარი გარემოება იყო ოპოზიციის არასათანადო მზადყოფნა, რომ მხარი დაეჭირა საკონსტიტუციო ცვლილებებისთვის იმ პირობებშიც კი, თუ ჩვენ პროპორციულ საარჩევნო სისტემაზე 2020 წელს გადავიდოდით. ასეთ კონტრპროდუქტიული დამოკიდებულების პირობებში, ბუნებრივია, შეუძლებელი გახდა პროპორციულ სისტემაზე გადასვლა 2020 წლისთვის და ამის შესახებ ოპოზიციურმა პარტიებმა მანამდეც იცოდნენ.

ჩვენთვის პრინციპულად მნიშვნელოვანი იყო პროპორციულ სისტემაზე გადასვლა და ეს მიზანი არის მიღწეული. მართალია, შემდეგი არჩევნები ჩატარდება შერეული სისტემით, მაგრამ 2020 წლის ნოემბერში სრულფასოვნად ამოქმედდება საკონსტიტუციო ცვლილებები, რომლის შედეგად 2020 წლის შემდეგ არჩევნები ჩატარდება სრულად პროპორციული სისტემით“,- განაცხადა კობახიძემ.

ვენეციის კომისიამ საკონსტიტუციო რეფორმის პროექტთან დაკავშირებით დასკვა დღეს უნდა გამოაქვეეყნოს.

მონიკა დავლიანიძე