პოლიტიკა
6 სექტემბერს სტრასბურგში დაგეგმილი შეხვედრა გაუქმდა - ჯანი ბუკიკიო
ვენეციის კომისიის პრეზიდენტი ჯანი ბუკიკიო განცხადებას ავრცელებს სადაც აღნიშნულია, რომ 6 სექტემებრს დაგეგმილი შეხვედრა გაუქმდა.
ჯანი ბუკიკიოს განცხადებით, საქართველოს კონსტიტუციის გადახედვის პროცესთან დაკავშირებული მოლაპარაკებების გაგრძელება უშუალოდ ქართული მხარის პრეროგატივაა და ამ პროცესში ვენეციის კომისიის ჩართვა არ არის საჭირო.
„საქართველოს კონსტიტუციის გადახედვა მნიშვნელოვანი რეფორმაა, რომელიც დღევანდელი პოლიტიკური სისტემის ჭეშმარიტ საპარლამენტო დემოკრატიად გარდაქმნისკენაა მიმართული.
მიმდინარე წლის ივნისში ვენეციის კომისიამ გამოაქვეყნა შესწორებული კონსტიტუციის პროექტის დადებითი შეფასება, მათ შორის იყო დეკლარირებული ნაბიჯი, რაც პარლამენტის ყველა წევრის პროპორციული სისტემით არჩევას გულისხმობდა. უფრო მეტიც, ჩვენ მივესალმეთ აქტიურ თანამშრომლობას და საქართველოს პარლამენტის ვალდებულებას, არ მიიღოს ვენეციის კომისიის მიერ უარყოფითად შეფასებული ნებისმიერი ცვლილება.
შესაბამისად, პროპორციული სისტემის დანერგვის 2024 წლამდე გადადება, ისევე, როგორც ქართული პარტიების განმეორებითი წარუმატებლობა, კონსტიტუციის გადახედვის შესახებ მოლაპარაკებების გზით კონსენსუსისთვის მიეღწიათ, იმედგამაცრუებელია.
2017 წლის 6 სექტემბერს სტრასბურგში დაგეგმილი შეხვედრა გაუქმდა. მინდა ხაზგასმით აღვნიშნო, რომ მოლაპარაკებების გაგრძელება უშუალოდ ქართული მხარის პრეროგატივაა და ამ პროცესში ვენეციის კომისიის ჩართვა არ არის საჭირო. ჩვენ მოვუწოდებთ ყველა მხარეს კონსტრუქციული დიალოგის მეშვეობით ტექსტში ფართო კონსენსუსს მიაღწიონ.
ჩვენ საქართველოს ხელისუფლებისგან კონსტიტუციის შესწორებულ პროექტს უმოკლეს ვადაში ველოდებით და მზად ვართ ჩვენი მოსაზრებები ერთ თვეში, ოქტომბრის პლენარულ სხდომაზე წარვადგინოთ (6-7 ოქტომბერი ვენეციაში). ჩვენ მოვუწოდებთ საქართველოს პარლამენტს, კონსტიტუციის შესწორებული პროექტის საბოლოო დამტკიცებამდე, ამ მოსაზრებების და საქართველოს პოლიტიკურ პარტიებთან დიალოგის გათვალისწინებით, პროექტში ცვლილებები შეიტანოს“, - აღნიშნულია ჯანი ბუკიკიოს განცხადებაში.
საკვანძო სიტყვები:
მამუკა ხაზარაძემ და გიორგი გახარიამ შეხვედრა გამართეს
26 სექტემბერი, 2025 , 18:57
„გერმანიამ უნდა აიღოს ინიციატივა, რომ საქართველო გადარჩეს როგორც სახელმწიფო“ - თინა ბოკუჩავამ და ლევან სანიკიძემ ბუნდესტაგში შეხვედრები გამართეს
26 სექტემბერი, 2025 , 12:27
პირველად ისტორიაში, სიღარიბის მაჩვენებელმა 9.4% შეადგინა, გამოწვევები რჩება, მაგრამ არსებული ტემპებით შეგვიძლია, ვისაუბროთ საშუალოვადიან პერსპექტივაში მთლიანად აღმოფხვრაზე - ირაკლი კობახიძე
26 სექტემბერი, 2025 , 12:17
ლარის კურსის სტაბილურობის კუთხით იყო უარყოფითი პროგნოზები, თუმცა იანვრის შემდეგ ლარის კურსი 15 თეთრით არის გამყარებული დოლართან მიმართებით - ირაკლი კობახიძე
26 სექტემბერი, 2025 , 12:14
აშშ-ის პრეზიდენტს განვუცხადე, რომ დროა, ჩვენი ურთიერთობა ახალი ფურცლიდან დაიწყოს, რაზეც მიპასუხა, რომ მიხედავს ამ საკითხს და დამიკავშირდება - მიხეილ ყაველაშვილი
26 სექტემბერი, 2025 , 12:11
ვაფრთხილებ ყველას, 4 ოქტომბერს ძალადობის ერთი ფაქტიც თუ იქნება, პასუხისმგებლობა გაზიარებული ექნება ევროკავშირის იმ ინსტიტუტების წარმომადგენლებს, რომლებიც ასე იხუტებენ გულში ამ მოძალადეებს - შალვა პაპუაშვილი
25 სექტემბერი, 2025 , 15:27
