პოლიტიკა

ადა მარშანია პარლამენტში ზურაბ აბაშიძის მიწვევას ითხოვს

პარლამენტის ფრაქცია “საქართველოს პატრიოტები” საკანონმდებლო ორგანოში სახელმწიფო სადემარკაციო კომისიის წარმომადგენლების მოწვევას და მოსმენას ითხოვენ.

შესაბამისი განცხადება ფრაქციის წევრმა, ადა მარშანიამ საგარეო ურთიერთობათა კომიტეტის სხდომაზე გააკეთა.

მისი თქმით, სადემარკაციო კომისიის შექმნის საჭიროება და აუცილებლობა დგას.

“ჩვენს საზღვრებთან და იქ არსებულ მდგომარეობასთან დაკავშირებით ისეთი უცნაური ინფორმაციები მოდის, სადემარკაციო კომისიის მუშაობით გამოწვეულ შედეგებზე. არ მინდა ეს წინასწარ გავაჟღერო”, - განაცხადა მარშანიამ.

საგარეო ურთიერთობათა კომიტეტის სხდომაზევე ,,საქართველოს პატრიოტების“ წევრმა რუსეთთან ურთიერთობების საკითხებში პრემიერის სპეციალური წარმომადგენლის, ზურაბ აბაშიძის მოწვევის საკითხი დააყენა.

მარშანიას განცხადებით, პარლამენტმა ღია ან დახურულ ფორმატში უნდა მიიღოს ინფორმაცია აბაშიძე-კარასინის ფორმატში მიმდინარე მოლაპარაკებებთან დაკავშირებით.

ნინო ექვთიმიშვილი