საზოგადოება
ადვოკატთა ასოციაციის ინიციატივით, პირველი ინსტანციის სასამართლოში მხოლოდ ადვოკატი უნდა იყოს მხარის წარმომადგენელი
საქართველოს ადვოკატთა ასოციაციის ინიციატივით, მრგვალი მაგიდა იმართება, სადაც მსჯელობენ ადვოკატის პროფესიის საკონსტიტუციო დონეზე განსაზღვრაზე. კერძოდ, განიხილავენ, რომ კონსტიტუციაში უნდა იყოს შეტანილი 91-ე პრიმა მუხლი, სადაც ტერმინი ადვოკატი იქნება განმარტებული.
ადვოკატთა ასოციაციის თავმჯდომარის, ზაზა ხატიაშვილის თქმით, მათი წინადადების დამტკიცების შემთხვევაში, სამოქალაქო საპროცესო კოდექსში ცვლილება შევა, რომლის მიხედვით, პირველი ინსტანციის სასამართლოში მხოლოდ ადვოკატს ექნება საშუალება, მხარე წარადგინოს.
„სამოქალაქო წარმოების პირველ ინსტანციაში ყველაფერი მთავრდება და როდესაც ადამიანი წააგებს პროცესს, მას არანაირი შანსი არ რჩება, ვინც გინდა, აიყვანოს ადვოკატად, იმიტომ რომ სააპელაციო სასაამრთლოში ახალ მტკიცებულებას ვერ წარადგენს, რომლის წარდგენის უფლება ჰქონდა პირველ ინსტანციაზე. ამიტომ, თუ გვინდა, რომ ადამიანი იყოს დაცული, მას სავალდებულო წესით უნდა ჰყავდეს ადვოკატი, თუ ის აიყვანს წარმომადგენელს“, - განაცხადა ხატიაშვილმა.
ანა მებურიშვილი