უახლესი ამბები
- 03.05.2024 11:02პარლამენტის სასახლეში იმოქმედებს უსაფრთხოების ყვითელი დონე - ვიზიტორებს ეზღუდებათ პარლამენტის სასახლეში შესვლა
- 03.05.2024 10:57რუს ოლიგარქს საპოლიციო ძალა აღარ ჰყოფნის და კრიმინალების გამოყენებით ცდილობს მოკლას ჩვენი ევროპული პერსპექტივა - `გირჩი მეტი თავისუფლება` და `დროა`
- 03.05.2024 10:42სალომე ზურაბიშვილმა აღდგომის დღესასწაულთან დაკავშირებით 25 მსჯავრდებული შეიწყალა
- 03.05.2024 10:38პრემიერი აშშ-ში მიწვეულ იქნა დათქმით, რომ ვიზიტამდე დროებით შეჩერებულიყო კანონპროექტის განხილვა, დათქმით ვიზიტი არ შეესაბამება პარტნიორობის სულისკვეთებას - საგარეო უწყება
- 03.05.2024 10:29„ქართული ოცნების“ ლიდერებმა საქართველო დააყენეს საეჭვო ტრაექტორიაზე, რაც საფრთხეს უქმნის საქართველოს ევროატლანტიკურ გზას და ძირს უთხრის აშშ-საქართველოს ურთიერთობას - მეთიუ მილერი
არქივი
პოლიტიკა
აფხაზეთსა და ცხინვალში უსაფრთხეობისა და ჰუმანიტარული სიტუაცია საკმაოდ მძიმეა - გიორგი კვირიკაშვილი
ეთნიკურ ქართველებს პერიოდულად აკავებენ საოკუპაციო ძალები, გადაყავთ ციხეებში და ითხოვენ თანხის გადახდას, მაგრამ ვერაფერი შეცვლის საქართველოს მომავალს, რომელიც მოსახლეობამ აირჩია, - განაცხადა საქართველოს პრემიერ-მინისტრმა, გიორგი კვირიკაშვილმა თბილისში მიმდინარე საერთაშორისო ენერგეტიკულ ფორუმზე სიტყვით გამოსვლისას.
პრემიერმა ოკუპირებულ რეგიონებში ადამიანის უფლებების დაცვის მხრივ დარღვევებზე გაამახვილა ყურადღება და აღნიშნა, რომ სიტუაცია საკმაოდ მძიმეა.
,,გამოწვევაა ის, რომ საქართველოს ორ ისტორიულ რეგიონში აფხაზეთსა და ცხინვალში უსაფრთხოებისა და ჰუმანიტარული სიტუაცია საკმაოდ მძიმეა. ორივე რეგიონში სამხედრო ძალების კონცენტრირება გრძელდება. ირღვევა ადამიანის ფუნდამენტური უფლებები საოკუპაციო ხაზთანაც, აფხაზეთსა და ე.წ. სამხრეთ ოსეთშიც ეთნიკურ ქართველებთან მიმართებაში.
გუშინ კი, ვნახეთ ახალი ე.წ. საზღვრის აღმნიშვნელი ნიშნები, რაც იმას ნიშნავს, რომ ბორდერიზაციის პროცესი გრძელდება. ეთნიკურ ქართველებს პერიოდულად აკავებენ საოკუპაციო ძალები, გადაყავთ ციხეებში და ითხოვენ თანხის გადახდას, მაგრამ ვერაფერი შეცვლის საქართველოს მომავალს, რომელიც მოსახლეობამ აირჩია. გამოწვევების მიუხედავად სტრატეგიული მიზნისკენ კონსოლიდაცია ძლიერია’’, - განაცხადა გიორგი კვირიკაშვილმა.
ნინო ექვთიმიშვილი