კომენტარი

ახალ წლამდე ელექტროენერგიაზე, წყალსა და გაზზე ტარიფები მკვეთრად გაიზრდება - გიორგი გუგავა

ლეიბორისტული პარტიის განცხადებით, მიმდინარე წლის ბოლოსთვის ელექტროენერგიაზე, წყალსა და გაზზე ტარიფების მკვეთრი გაზრდაა მოსალოდნელი.

ამის შესახებ ბრიფინგზე პარტიის ერთ-ერთმა ლიდერმა გიორგი გუგავამ განაცხადა.

„სემეკში შესულია შესაბამისი განცხადები და ახალ წლამდე იგეგმება დენის, გაზის, წყლის ტარიფების მკვეთრად გაზრდა. წარმოგიდგენთ შესაბამის განაცხადებს, რომელიც თელასმა, ჯორჯიან უოთერ ენდ ფაუერმა და ასევე იმ კომპნიებმა შეიტანა, რომელიც ელექტროენერგიით ამარაგებს რეგიონებს. ამ გადაწყვეტილებებში პირდაპირ ჩანს, რომ ახალ წლამდე, ბოლო ვადა არის 31 დეკემბერი, გადაწყვეტილია გაზზე, დენზე, წყალზე ტარიფების მკვეთრი გაზრდა“,-აღნიშნა გუგავამ.

მონიკა დავლიანიძე