უკან

უახლესი ამბები

დღის კალენდარი

ანონსები

არქივი

საზოგადოება

5 დეკემბერი, 2018 11:10
font-size

ახალი კანონით არასრულწლოვნებს მარიხუანას მოხმარების მავნე ზეგავლენისგან ვიცავთ - ნათია მეზვრიშვილი

ახალი კანონით არასრულწლოვნებს მარიხუანას მოხმარების მავნე ზეგავლენისგან ვიცავთ, – განაცხადა შს მინისტრის მოადგილე ნათია მეზვრიშვილმა შსს-ს მიერ მომზადებულ კანონპროექტზე საუბრისას, რომელიც მარიხუანას მოხმარებაზე რეგულაციების დაწესებას ითვალისწინებს და რომელიც პარლამენტმა 30 ნოემბერს მესამე მოსმენით უკვე დაამტკიცა.

„მას შემდეგ, რაც პარლამენტმა ეს კანონპროექტი მესამე მოსმენით განიხილა, გაჩნდა გარკვეული კითხვები იმასთან დაკავშირებით, რეალურად, რა კანონპროექტთან გვქონდა საქმე. მოვისმინეთ ისიც, რომ თითქოს რაღაცის ლეგალიზაციასაც ვახდენდით ან მთავრობა ისევ კულტივაციის თემას დაუბრუნდა, რაც რეალობას არ შეესაბამება. ეს გახლავთ მოხმარებასთან დაკავშირებული კანონპროექტი, რომელიც მარიხუანას მოხმარების საკითხებს აქცევს მკაცრ სამართლებრივ ჩარჩოებში და პირდაპირ გვეუბნება, სად არის აკრძალული მარიხუანას მოხმარება. პლენარულ სხდომაზე მესამე მოსმენით კანონი უკვე მივიღეთ. ახლა გარკვეული პროცედურები არსებობს – პრეზიდენტმა უნდა მოაწეროს ხელი, შემდეგ უნდა გამოქვეყნდეს. ამისთვის პრეზიდენტს კანონით 10-დღიანი ვადა აქვს და გამოქვეყნებისთანავე ეს კანონი შევა ძალაში“, – განაცხადა შს მინისტრის მოადგილემ „იმედის“ ეთერში.
ნათია მეზვრიშვილმა ახალ კანონთან დაკავშირებით დეტალურად ისაუბრა.

„შევეცდები, ძალიან დეტალურად ავხსნა, იმისთვის, რომ ჩვენი მოქალაქეებისთვის ნათელი იყოს, რაზეა საუბარი და რეალურად რა იკრძალება. დარწმუნებული ვარ, ჩვენს ეთერს უყურებენ მშობლები, დედები, მამები, შვილები პედაგოგები, ვისთვისაც ასევე ძალიან მნიშვნელოვანია, რომ ეს რეგულაციები იცოდნენ და უბრალოდ ის ადამიანები, ვისაც ამ საკითხის მიმართ ინტერესი გააჩნიათ.

რაც მნიშვნელოვანი და ყველაზე მთავარია, ამ კანონით ჩვენ ვიცავთ არასრულწლოვნებს მარიხუანას მოხმარების მავნე ზეგავლენისგან. ამ კანონით, მარიხუანას მოხმარება იკრძალება საზოგადოებრივი თავშეყრის ნებისმიერ ადგილზე. იკრძალება საჯარო სივრცეში, იკრძალება საზოგადოებრივ ტრანსპორტში, იკრძალება სამსახურებრივი მოვალეობის შესრულებისას და კიდევ სხვა მრავალ შემთხვევაში.

ჩვენ ამ კანონით ვკრძალავთ არასრულწლოვნების მიერ არა მხოლოდ მოხმარებას, არამედ არასრულწლოვნების თანდასწრებით მოხმარებას, აკრძალულია საგანმანათლებლო დაწესებულებებში, საუბარია ნებისმიერ საგანმანათლებლო დაწესებულებაზე – სკოლაზე, ბაღებზე. ასევე, აკრძალულია არასრულწლოვნების არა მხოლოდ თანდასწრებით, არამედ იმ ადგილისგან 150 მეტრის რადიუსის მოშორებით და იმ სივრცეში, სადაც არასრულწლოვნები ფიზიკურად იმყოფებიან. რეალურად, ჩვენ ამით არა მარტო არასრულწლოვნებს ვიცავთ მარიხუანას მოხმარების მავნე ზეგავლენისგან, არამედ გავითვალისწინეთ სხვადასხვა განვითარებული ქვეყნების პრაქტიკაც, მათ შორის, ამერიკის შეერთებული შტატების, მათ შორის ბევრი ევროპული ქვეყნების პრაქტიკაც.

21 წლამდე ასაკის პირები მარიხუანას ვერ მოიხმარენ, ეს დაისჯება ადმინისტრაციული წესით. 21 წლამდე ასაკის პირის დაყოლიება ნარკოტიკული საშუალების, იგულისხმება ნებისმიერი ნარკოტიკული საშუალების მოხმარება, დაისჯება სისხლის სამართლის წესით“, – განაცხადა ნათია მეზვრიშვილმა.

102 700 მომხმარებელსსესხებზე საპროცენტო განაკვეთი ერთი პროცენტით გაეზრდება - „საზოგადოება და ბანკები“

23 ოქტომბერი, 2019 , 16:55

სესხებზე საპროცენტო განაკვეთის ზრდა; ლარიზაციის პოლიტიკის შეფერხება; ეკონომიკური აქტივობის შენელება; ლარის რესურსის გაძვირება და კიდევ უფრო შეზღუდული წვდომა ფინანსებზე – ორგანიზაცია „საზოგადოება და ბანკე

პროექტის „2014-2017 წლების გარემოს მდგომარეობის შესახებ ეროვნული მოხსენების” საჯარო განხილვა გაიმართა

23 ოქტომბერი, 2019 , 16:30

გარემოსდაცვითი ინფორმაციისა და განათლების ცენტრის ორგანიზებით და გერმანიის საერთაშორისო თანამშრომლობის საზოგადოების (GIZ) მხარდაჭერით, საქართველოს გარემოს დაცვისა და სოფლის მეურნეობის სამინისტროს მიერ შემუშავებული &bdquo

„შრომის კოდექსში` ცვლილებებზე მთელმა ბიზნესმა ძალიან უარყოფითი პოზიცია არგუმენტირებულად დავაფიქსირეთ - სოსო ფხაკაძე

23 ოქტომბერი, 2019 , 16:30

„შრომის კოდექსში" ცვლილებებზე მთელმა ბიზნესმა ძალიან უარყოფითი პოზიცია არგუმენტირებულად დავაფიქსირეთ. გვიხარია, რომ როგორც მთავრობამ, ასევე პარლამენტმა ცალსახა სულისკვეთება გამოთქვეს, - ამის შესახებ საქართველოს ბიზ

საბანკო რეგულაციები შესაძლოა, გამარტივდეს

23 ოქტომბერი, 2019 , 15:30

ეროვნულმა ბანკმა საბანკო რეგულაციები შესაძლოა, გაამარტივოს. ამის შესახებ ეროვნული ბანკის პრეზიდენტმა კობა გვენეტაძემ განაცხადა. „იმისთვის, რომ პროცესი უფრო მარტივი გავხადოთ, მოვაშოროთ თუკი რაიმე ზედმეტი ბიუროკრატია

“სისტემას საკუთარი თანამშრომლის ზიზღი აქვს და ჩასაფრებულია, არიქა, ფეხი გადაუბრუნდესო” - პროკურორმა სალომე ადეიშვილმა თანამდებობა დატოვა

23 ოქტომბერი, 2019 , 14:55

საქართველოს პროკურატურის ყოფილი თანამშრომელი სალომე ადეიშვილი სოციალურ ქსელში სტატუსს აქვეყნებს და უწყების ხელმძღვანელებს მძიმე ბრალდებებს უყენებს. ის ასევე, უწყებიდან წასვლის მიზეზებს განმარტავს. მან უწყება 15 ოქტომბერს

საქართველოს ეროვნული ბანკი მონეტარული პოლიტიკის განაკვეთს 1 პროცენტული პუნქტით 8.5 პროცენტამდე ზრდის

23 ოქტომბერი, 2019 , 14:35

საქართველოს ეროვნული ბანკის მონეტარული პოლიტიკის კომიტეტმა 2019 წლის 23 ოქტომბრის სხდომაზე რეფინანსირების განაკვეთის 1 პროცენტული პუნქტით, 8.5 პროცენტამდე, გაზრდის გადაწყვეტილება მიიღო. სექტემბერში წლიურმა ინფლაციამ 6.4