საზოგადოება
ახალი პროგრამის ფარგლებაში საქართველოს ბანკის ნებისმიერ მომხმარებელს შეეძლება ისარგებლოს სხვადასხვა უპირატესობით - მიხეილ გომართელი
საქართველოს ბანკმა მომხმარებელთან ურთიერთობის პროგრამა Plus-ი წარადგინა.
როგორც საქართველოს ბანკის გენერალური დირექტორის მოაადგლემ, მიხეილ გომართელმა ჟურნალისტებთან საუბარში აღნიშნა, პროგრამა საქართველოს ბანკის ერთგულ მომხმარებლებს საბანკო პროდუქტებთან ერთად ბევრ ბენეფიტსა და საჩუქარს სთავაზობს.
,,საქართველოს ბანკმა თავისი ერთგული მომხმარებლებისთვის შექმნა ურთიერთობის პროგრამა plus-ი. პროგრამის ფარგლებაში საქართველოს ბანკის ნებისმიერ მომხმარებელს შეეძლება ისარგებლოს სხვადასხვა უპირატესობით; დააგროვოს ქულები და შემდეგ ეს ქულები გადაცვალოს ყოველდღიური მოხმარების პროდუქტებში, სხვადასხვა ტიპის საჩუქრებში, გადაიხადოს კომუნალური და სხვა ტიპის გადასახადები და იმგზავროს უფასოდ მუნიციპალური ტრანსპორტით.
ასევე, პროგრამის ფარგლებში გათვალისწინებულია სტატუს უპირატესობები. საქართველოს ბანკის ნებისმიერი მომხმარებელი, რომელიც ისარგებლებს ორი ან მეტი საბანკო პროდუქტით შეეძლება ასევე ისარგებლოს ჯანდაცვასთან, დაზღვევასთან და საბანკო პროდუქტებთან დაკავშირებული სხვადასხვა უპირატესობებით.
ამ პროგრამაში ჩართვა არის აბსოლუტურად უფასო. ამისათვის საჭიროა მომხმარებელი ეწვიოს საქართველოს ბანკის სერვის-ცენტრს და გაესაუბროს ჩვენი ურთიერთობების მენეჯერს’’, - განაცხადა მიხეილ გომართელმა.
ნინო ექვთიმიშვილი