საზოგადოება
ახალციხის საბავშვო ბაღში მოწამლული ბავშვებიდან 11 კვლავ საავადმყოფოში რჩება
ახალციხის საავადმყოფოში საბავშვო ბაღში მოწამლული 35 ბავშვიდან 11 რჩება. მედიკოსების ინფორმაციით, მათი ჯანმრთელობის მდგომარეობა საშუალო სიმძიმის არის.
ახალციხის სამედიცინო დაწესებულება „უმინედი“-ს დირექტორის, ელდარ ალიევის ინფორმაციით, 11 ბავშვის გაწერა სტაციონარიდან უახლოეს დროში მოხდება.
„ამ ეტაპზე 11 ბავშვი რჩება სტაციონარში ერთიდაიგივე სიმპტომებით: თავის ტკივილი, მაღალი სიცხეები, პირღებინება, დიარეა. ამ ეტაპზე მდგომარეობა სტაბილურია. მათ სიცოცხლეს საფრთხე ნამდვილად არ ემუქრება. სავარაუდოდ, მალე მოხდება მათი გაწერა“,-აღნიშნა ალიევმა.
68 ბავშვის მოწამლვის მიზეზი ცნობილი 3 დღეში გახდება, რასაც საზოგადოებრივი ჯანდაცვის ცენტრი და სურსათის უვნებლობის სააგენტო სწავლობენ.
სულ სიმპტომები 68 ბავშვს ჰქონდა, აქედან სამედიცინო დაწესებულებას 35-მა მიმართა.
მონიკა დავლიანიძე