უკან

უახლესი ამბები

დღის კალენდარი

ანონსები

არქივი

პოლიტიკა

10 ივნისი, 2017 11:35
font-size

ახლა გადავედით შექმნილ, შეთითხნილ კონსპირაციის თეორიაზე - გიორგი მარგველაშვილი

საქართველოს პრეზიდენტი გიორგი მარგველაშვილი საკონსტიტუციო ცვლილებებთან დაკავშირებით ვენეციის კომისიის წინასწარ დასკვნას და ამ დასკვნასთან დაკავშირებით საპარლამენტო უმრავლესობის განცხადებებს ეხმიანება.

,, ნახეთ, რა ხდება - ვისმენთ ინფორმაციას, რომ ვენეციის კომისიისგან ქება-დიდება იქნება მოვლენილი და გვეტყვიან, რომ მადლობელი იყავით, ასეთი კონსტიტუციის პროექტი რომ დაიწერა საქართველოშიო. ამის მაგივრად ვენეციის კომისიისგან კონსტიტუციის ცვლილებების პროექტი ძალიან მძაფრ კრიტიკას იღებს, რომელიც აბსოლუტურად მოსალოდნელი იყო. კრიტიკას ვიღებთ მარტივ ჭეშმარიტებებზე, მაგალითად იმასთან დაკავშირებით, რომ ხელისუფლება უნდა იყოს დაბალანსებული, რომ დემოკრატია ნიშნავს ხალხის ნების ასახვას მმართველობის სტრუქტურებში და არ შეიძლება აქ მანიპულაცია ხმებით.

იწყება არა კრიტიკის განხილვა, არამედ უცებ ჩნდება მოგონილი თემა, რომ საიდანღაც მოხდა ინფორმაციის გაჟონვა და მთელი დღის განმავლობაში მედია საუბრობს არა იმ შინაარსზე, რაც არის დოკუმენტში, არამედ იმაზე, საიდან გაჟონა ინფორმაციამ.

ეს არის შეჯამება ბოლო 6 თვის. რას ვარკვევდით ბოლო 6 თვის განმავლობაში? რაზე მოგვცა შეჯამება ვენეციის კომისიამ? რომ თურმე დემოკრატია ნიშნავს, რომ როცა ამომრჩეველი ხმას მისცემს, ის ადამიანი პროპორციულად იყოს წარმოდგენილი პარლამენტში და სხვამ არ ჩაიდოს ჯიბეში ამ ადამიანის ხმა - ამას ვარკვევდით მთელი ერი ბოლო 6 თვის განმავლობაში.

პარალელურად მიდის ბრალდებები. ვარკვევდით, რომ თურმე დემოკრატიული სახელმწიფო გულისხმობს ძალთა ბალანსს და ინსტიტუტების გაწონასწორებას. ამას ცივილიზებული, 21-ე საუკუნის ერი 6 თვის განმავლობაში ვარკვევდით.

ახლა გადავედით შექმნილ, შეთითხნილ კონსპირაციის თეორიაზე, აბსოლუტურად მიუღებელი ფორმებით, რომლებსაც ნამდვილად სჭირდება ან ახლობლების ან მეგობრების დარიგება.

ადამიანებს, რომლებიც ასე უხამსად ურთიერთობენ სხვა ადამიანებთან მედიით, სჭირდებათ, ვიღაცამ უთხრას, რომ ეს საქართველოა და ურთიერთობების კულტურა არსებობს. მესმის, რომ თმენის ვალდებულება მაქვს, თანამდებობა არ მაძლევს იმის საშუალებას, სიტყვა წამიცდეს, მესმის, რომ პატივცემულები არიან პარლამენტის თავმჯდომარე, უმრავლესობის ლიდერები, კომიტეტის თავმჯდომარები და ა. შ. მაგრამ ხომ შეიძლება რჩევის მიცემა?! არ შეიძლება ჩვენ 6 თვე ვცხოვრობდეთ ამ რეჟიმში.

არავის მეილი, წერილი არ მიმიღია. გაერო-ს გენერალური მდივნის წერილები იკარგებოდა ხოლმე გზაში. ახლა თურმე მთავარია, რა მიქნია მეილისთვის. ტრაგიკომიკურია, იმის მაგივრად, რომ ვისაუბროთ რეალურ თემებზე, ვსაუბრობთ ამაზე ", - განაცხადა პრეზიდენტმა გიორგი მარგველაშვილმა ტელეკომპანია "პირველის" გადაცემაში ,,რეაქცია.’’

ცნობისათვის, პარლამენტის თავმჯდომარე ირაკლი კობახიძე პრეზიდენტის ადმინისტრაციას ვენეციის კომისიის წინასწარი დასკვნის გავრცელებაში ადანაშაულებს. ირაკლი კობახიძის მტკიცებით, წინასწარი დასკვნა მხოლოდ მას და გიორგი მარგველაშვილს ჰქონდათ და ინფორმაციამ მედიაში გაჟონა.

ნინო ექვთიმიშვილი

დავით გარეჯის თემა კიდევ ერთი ინდიკატორი გახდა იმისა, თუ რას წარმოადგენს დღევანდელი სახალხო დამცველი - გია ვოლსკი

5 მარტი, 2021 , 20:36

პარლამენტის ვიცე-სპიკერმა, გია ვოლსკიმ დავით გარეჯის საქმეზე სახალხო დამცველის დღევანდელი განცხადებაც შეაფასა და აღნიშნა, რომ ნინო ლომჯარიას არავითარი ინფორმაცია გამოუთხოვია და საქმის გარემოებებს დეტალურად არ გაცნობია. &

ლიეტუვისა და ევროკავშირის საგარეო საქმეთა მინისტრები საქართველოსთან დაკავშირებით „მედიატორთა ჯგუფის“ ჩამოყალიბებას აპირებენ

5 მარტი, 2021 , 20:26

ლიეტუვისა და ევროკავშირის საგარეო საქმეთა მინისტრები საქართველოში ჩამოსასვლელად „მედიატორთა ჯგუფის“ ჩამოყალიბებას აპირებენ. ამის შესახებ ინფორმაციას ლიეტუვის საზოგადოებრივი მაუწყებელი ავრცელებს. ლიეტუვის

ვესაუბრე მიხეილ სააკაშვილს და შევჯერდით, რომ არასწორია პლებისციტის იდეის დამუნათება - გიგი უგულავა

5 მარტი, 2021 , 16:05

გუშინ მქონდა მიხეილ სააკაშვილთან საუბარი, აზრები გავცვალეთ და შევჯერდით, რომ არასწორია რაიმეს დამუნათება, საკითხის ამგვარად დაყენება, რომ პლებისციტი ბიძინას თამაშია, – განაცხადა „ევროპული საქართველოს“ წ

იმ ექვსი პუნქტიდან, რომელიც ოპოზიციამ დააყენა, ოთხ პუნქტთან დაკავშირებით ჩვენ უკვე ვმუშაობთ, ახლა საქმე მათ მხარეს არის - შალვა პაპუაშვილი

5 მარტი, 2021 , 12:25

იმ ექვსი პუნქტიდან, რომელიც ოპოზიციამ დააყენა, ოთხ პუნქტთან დაკავშირებით ჩვენ უკვე ვმუშაობთ. ახლა საქმე მათ მხარეს არის, მათ უნდა გამოაჩინონ, რომ არა მხოლოდ სიტყვით, არამედ საქმითაც არიან მზად კონსტრუქციული დიალოგისთვის,

აშშ-სა და საქართველოს შორის თავდაცვისა და უსაფრთხოების სამაგალითო თანამშრომლობა მომდევნო წლებში გაძლიერდება - დავით ზალკალიანი

5 მარტი, 2021 , 12:25

აშშ-სა და საქართველოს შორის თავდაცვისა და უსაფრთხოების სამაგალითო თანამშრომლობა მომდევნო წლებში გაძლიერდება, - ამის შესახებ საქართველოს ვიცე-პრემიერი, საგარეო საქმეთა მინისტრი თავის ოფიციალურ Twitter-ის გვერდზე წერს. &bd

მიხეილ სარჯველაძემ და შალვა პაპუაშვილმა „მეწარმეთა შესახებ“ ახალი კანონპროექტის პრეზენტაცია გამართეს

5 მარტი, 2021 , 12:25

საქართველოს პარლამენტის ინიციატივით, საქართველოს ინვესტორთა საბჭოსთან თანამშრომლობით, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანა დაფინანსებული პროექტის &ndash